Keden odaǵynyń kemeldener shaǵy

Memleket basshysy Nur­sul­tan Nazarbaev Reseı Federa­sııa­sy Prezıdentiniń Keden oda­ǵyn­daǵy arnaıy ókili Vıktor Hrıstenkony qabyldady.

Kezdesý barysynda ekijaqty yntymaqtastyq máseleleri, son­daı-aq Keden odaǵy qyzmetiniń máseleleri talqylandy.

– Nursultan Ábishuly barlyq postkeńestik ıntegrasııalyq ta­rıh­tyń lokomotıvi bolyp tabylady. Bul rette júrip ótken jáne qol jetkizilgen eleýli kezeńder ıntegrasııalyq baǵyttardyń se­nim­diligi men tıimdiligin kórse­tedi, – dep bastady V.Hrıstenko qabyldaýdan shyqqannan keıingi jýrnalısterge arnalǵan brıfıngte. – 2000 jyl – bes mem­lekettiń qatysýymen múlde jańa formattaǵy Eýrazııalyq ekono­mı­kalyq qoǵamdastyqty qurý jyly boldy. Budan biraz ýaqyt ótken soń Keden odaǵyn qalyp­tas­tyrý týraly sheshim qabyl­danyp, úsh el – Qazaqstan, Belarýs jáne Reseı tereń ınte­gra­sııalyq úderisterge qaraı alǵa jyljydy. Bul da búginde statıs­tı­kalyq, tehnıkalyq jáne saıası jaǵynan óziniń tıimdiligin kór­set­ti. Qarapaıym azamattar, bıznes úshin keden beketteri, kóp­te­gen resimder alynyp tastal­ǵan­da, taýarlardyń, kapıtaldyń aýysýy bári úshin kútpegen erkindik boldy. Bul, sóz joq, sońǵy úsh jyldaǵy jetistik. Osy úsh jyl ishinde Keden odaǵynyń jańa ıntegrasııasynyń quqyqtyq jáne uıymdastyrýshylyq bazasy qalyptasqan soń, bul kezeń endigi bastaýyn keler jyldan alatyn jańa kezeńge aýysady. Bul – Biryńǵaı ekonomıkalyq keńistik­tiń fýnksııasy keńeıe túsetin kezeń. Ol ýaqytta taýarlar men qyzmet kórsetý ǵana emes, sonymen qatar qarjy saıasatyn úı­lestirý jáne qamtamasyz etý, salyq saıasatyn úılestirý, bizdiń damýymyzdyń berik turaq­ty­ly­ǵy men ornyqtylyǵyna aparatyn elementterdi úılestirý anaǵur­lym úlken kólemde júzege asyrylady. Bıylǵy jyly, – dedi budan keıin RF Prezıdentiniń Keden odaǵyndaǵy arnaıy ókili, – biz Reseı men Qazaqstannyń ekijaqty taýar aınalymynyń 40 paıyzdyq ósimine qol jetkizdik, bizdiń elderimiz arasyndaǵy taýar aınalymy boıynsha óz tarı­hyn­daǵy eń rekordtyq kórset­kishke shyǵamyz, ıaǵnı taýar aınalymy ol kezde 20 mlrd. dollarǵa artady. Belarýspen de solaı bolady. Iá, biz óz ekonomıkamyzda kórinis tabatyn jahandyq daǵ­da­rys­tyń qıyn kezin bastan ót­ke­remiz. Integrasııanyń tereńdeýi bizdiń ekonomıkanyń anaǵurlym ornyqty, anaǵurlym negizdi damýyna múmkindikter týǵyzatyn bolady. Prezıdent Nursultan Ábishulymen búgingi kezdesýimiz komıssııa jumysy úshin jańa quqyqtyq baza qalyptastyrýǵa arnaldy. Ol sondaı-aq jańa ınte­gra­sııalyq alańda uıymnyń ju­mysyn tıimdi qamtamasyz etetin kásibı, únemi áreket etetin organǵa aınalýy kerek. Bir ja­ǵynan, Qazaqstan Prezıdentiniń orasan tájirıbesiniń arqasynda, ekinshi jaǵynan, osy úderis­ter­diń mánin túsine otyryp, búginde damý úshin alda úlken kókjıekti qamtamasyz etetin ymyraǵa ke­letin sheshim qabyldaý qajet. Qazaqstan 20 jyl ishinde ózge elge – ornyqty damýshy, óziniń perspektıvalaryn aldyn ala dál kóretin, óz múddelerin naqty tú­si­netin jáne ony qorǵaı biletin, ártúrli salalardaǵy iri jobalardy iske asyra alatyn elge aınaldy. Osy oraıda Prezıdent sa­raıy­nyń terezesinen jańa Qa­zaq­stannyń qandaılyq damy­ǵany­nyń dálelin kórýge bolady. Men eldiń, qalalardyń, adam­dardyń kelbeti qalaı ózgergenin kórdim. Men úshin bul – Prezıdent Nur­sultan Nazarbaevtyń basshy­lyǵymen Qazaqstan qol jetkizgen jetistikterdiń óte jar­qyn belgisi, – dep aıaqtady sózin V.Hrıstenko jýrnalısterge ar­nalǵan brıfıngte.