Qylmyskerdi quryqtaǵan qos qyran

Al ulttyq patrıotızm, aza­mat­tyq ustanym degen qa­sıettiń bári de tańdaǵan maman­dyqqa degen qurmettiń belgisi. Biz ádette mamandyqqa adal­dyq týra­ly kóp aıtamyz. El al­dyn­da­ǵy paryz degendi de jıi áń­gi­me qylamyz. Al mamandyqqa adal­dyq is aıasynda kórinis tapsa, týǵan el aldyndaǵy paryz ómir súrý barysynda óteledi. 
Osydan alty jyl buryn qa­ra­shanyń qara sýyǵynda Taraz kóshelerinde qıǵylyq salǵan qylmyskerdi quryqtaý kezinde qaza tapqan polısııa kapıtany Ǵazız Baıtasovtyń erligi búginde ańyzǵa aınaldy. Týǵan halqy­nyń esinde ónege bolyp órnek­tel­di. Elbasy Jarlyǵymen «Halyq Qaharmany» ataǵy berilip, halyq jadynda máńgi saqtaldy. Al erlik te urpaqtan­urpaqqa jalǵasyp, býyn saıyn almasyp turatyn erekshe quby­lys. Ol kimniń taǵdyryna ja­zyl­ǵan, kimniń júreginde qalyp­tas­qan, eshkimge belgisiz. Álgi aıtyl­ǵan is aıasynda, ómir súrý bary­synda belgili bolatyn taǵdyr jazýy.
О́tken jyly da Taraz qala­synda atys oryn alyp, el úshin tóbeden jaı túsken­deı bol­ǵan edi. Árıne, mundaı­da ha­lyq taǵy da tártip saqshy­lary­nan kómek kútedi. Sebebi, ar­qa tutar aıbar elimizdiń ishki is­t­er salasy. Talaı qylmys­tyń al­dyn alyp, talaı qylmys­kerdi qııa bas­tyrmaǵan tártip saqshy­lary­nyń qyzmeti shynynda da erlik­pen birdeı. Oqıǵa bylaı bolǵan. 
Tártip saqshylaryna qarý­lan­ǵan belgisiz bireýlerdiń beı­bit turǵyndarǵa shabýyl jasa­ǵany týraly habar kelip túsedi. Rasynda da shahardyń altynshy shaǵyn aýdanynda belgisiz bireý qarý qoldanyp, eldi úrkitken. Sol mańda kezekshilik qyzmet at­qaryp júrgen polısııa ser­janty Bekjan Tilenshıev bir­den qyraǵylyq tanytyp, shuǵyl túrde qylmyskerdiń izine túsedi. Al týra sol jerdegi bir úıge shaqyrtý boıynsha kelgen polı­sııa aǵa leıtenanty Danııar Záýirbek bul jaǵdaıdy baıqap qalyp, ol da birden qylmyskerdi quryqtaýǵa árekettenedi. Biraq sol kezde kópqabatty úılerdiń kireberisine jasyrynǵan qyl­mys­ker Bekjan Tilenshıevti aýyr jaraqattaıdy. Oqıǵaǵa kýá bolǵan Danııar Záýirbek bolǵan jaıdy bylaı baıandaıdy. 
«Byltyr 19 maýsym kúni altyn­shy shaǵyn aýdanda ishimdik iship, mas kúıinde júrgen adam týra­ly habarlama keldi. Biraq kút­pegen jaǵdaıǵa kýá boldym. Shaqyr­tý túsken boıda sonda kel­genim­de, polısııa serjanty Bek­jan Tilenshıevti álgi qyl­mys­ker aýyr jaralapty. Men de oqı­ǵa oryn alǵan №18 kópqa­bat­ty úıdiń kireberisinde turyp, oǵan qarý kezený arqyly syrtqa sytylyp shyqtym. Shyqtym da taldyń túbinde álgi qylmyskerdi kútip turdym», deıdi Danııar Máskeýbekuly. 
Sodan biraz ýaqytqa sozyl­ǵan teketiresten soń, Danııar ózi qorǵana júrip, eki ret kózdep atý arqyly qylmyskerdi zalal­syz­dandyrady. Polısııa aǵa leıtenantynyń qyraǵylyǵy jáne jedel áreket etýi nátıje­sin­de beıbit turǵyndarǵa qaýip tón­dirgen qylmysker oqshaý­­lanady. О́mirine qaýip tón­gen qos azamat mindetin múl­tik­siz atqarý arqyly aman qalǵan. 
Danııar Záýirbek 2012 jyl­dan beri ishki ister salasyn­da qyz­met etip keledi. Búginde po­lı­­sııa kapıtany atanǵan ol «Tý­ǵan elime adal qyzmet etý jáne beıbit turǵyndardyń qaýip­siz­digin qorǵaý – azamattyq min­detim», deıdi. Taraz qalalyq ishki ister basqarmasy jergilikti polı­sııa qyzmetiniń ýchaskelik po­lı­sııa ınspektory qyzmetin at­qaryp júrgen jas jigit bul áre­ke­tin erlik dep oılamaıdy. Qaıta muny qyzmettik mindetim dep túsinedi.
 Alaıda, qylmyskerge qarsy kúres erlikke sanalady. Áıtpese beıbit turǵyndardyń jaza­taıym oqqa ushýy múmkin. Bir-biri­men joly qyzmet etý barysynda túıisken qos azamatqa jýyr­da ǵana Elbasy Nursultan Nazarbaevtyń Jarlyǵymen «Erligi úshin» medali berildi. Sondaı-aq, Danııar Záýirbek Qazaqstan Respýb­lıka­synyń Ishki ister mınıstri, general-polkovnık Qalmuhanbet Qa­symovtyń Alǵys hatyn alǵan. Jambyl oblystyq ishki ister de­par­tamentiniń basty­ǵy, gene­ral-maıor Tilegen Mat­kenov­tiń qolynan da syı­lyq alyp­ty. Munyń bári de erlik­ke kór­setilgen qurmet ekeni sózsiz. Er­lik­tiń eshqashan umytyl­maı­ty­nyn dáleldegen jaǵdaı osy. 
  Polısııa serjanty Bekjan Tilenshıev te 2012 jyldan beri ishki ister salasynda qyzmet etip keledi. Bekjan Mamyruly – mamandyǵyn maqtanyshy kóretin azamattardyń biri. Qyl­myskerdi qolǵa túsirý kezinde dene jaraqatyn alyp, taǵdyry syn saǵatta sergeldeńge túsken sátte de moıymady. Qaıta qarý­lanyp, kúsh-qaıraty arta tústi. Eń bastysy – el aman, jurt ty­nysh. Tap sol oqıǵadan zardap shek­ken adam joq. Bul da úlken jetis­tik, aıta qalarlyq abyroı. Ár­daıym jaqsy jaǵynan ǵana kór­inip, mamandyǵyna adaldyq tany­typ júrgen qos azamat talaı elge qaýip tóndirýi múmkin qyl­mys­kerdiń jolyn osylaı kesti. 
 Qylmyskerdi quryqtaǵan qos qyrannyń, halyq qaýipsizdigin qamtamasyz etýde eshqashan aıan­baı­tyn azamattardyń áli de aby­roı bıiginen kórinetinine se­nim mol. О́mirine qaýip tónse de qara basyn arashalap qalýǵa um­­tyl­­maı, oryn alýy múmkin apat­­tyń al­dyna shyqqan azamat­ta­rǵa ke­ıingi býyn da qurmetpen qaraıdy. 

Hamıt Esaman,
«Egemen Qazaqstan» 

Jambyl oblysy