О́rkendegen óńirdiń ónerpazdary-aı!

«El ishi – ón­er kenishi» degen, oblys or­­ta­lyǵynan shalǵaı tura­tyn eń­bek adamdarynyń óner­ge de­gen talpynysy kó­rer­mendi eriksiz tartady eken. Kó­r­­­­kemónerpazdardyń jyl saı­­­yn ótetin dástúrli báıgesi ja­­­ńa esimderdi anyq­taı­dy. Al­­­tyn­sarın jáne Amangeldi aý­dan­­darynan kelgen Gúlbaqyt Jań­byrbaeva men kishkentaı Aıaý­lym Aqmyrza aıtqan «Bul­bul» áni kórermenderdi selt etkizdi. Bul ánge kór­kem­ónerpazdar túgel, ká­si­bı ánshilerdiń de tisi ba­ta ber­me­si anyq. Al eki qyz klas­sı­ka­lyq ándi estrada janrynda shyr­qaǵanda onsyz da boıaýy ádemi án totydaı túrlene tústi. 
«Jyl saıyn kórkem­óner­­pazdar festıvaliniń aý­dan­dyq, qalalyq satylaryn ótkizip kele­miz. Osydan bi­raz jyl bu­­ryn festıvalge ne­gi­zi­nen eresek­ter, úlken kisi­ler qatysatyn. Qazir estafetany keıingi tolqyn ókilderi al­ǵandaı seziledi, qaı aýdanda da, qaı qalada da ne­gizinen jastar qatysady. Iаǵnı aýyl­darda klýb jumys isteıdi, oǵan jastar barady degen sóz. Sonyń nátıjesinde jańa esim­­derdi ashyp jatyrmyz», – deı­di oblystyq mádenıet bas­qar­masynyń bas mamany Roza Oljabaeva. 
Halyqtyń rýhanı qajetin qamtamasyz etý úshin óńirde az jumys jasalyp jatqan joq. Konsertti tamashalýǵa kelgen oblys ákimi Arhımed Muhambetov mádenıet salasynda atqarylyp jatqan jumystardy aıta kelip, jetistikterge toqtaldy. 
– Elbasynyń áleýmettik ba­ǵyttaǵy saıasatynyń arqa­syn­­­­da mádenıet salasyna­ úl­ken qoldaý kór­setiledi, shy­­­­­ǵar­­­­mashylyq adam­daryna qo­laı­ly jaǵdaı jasa­lady. О́t­­ken jyly mádenıet sa­la­­syn­da­ǵy ǵımarattardyń jón­delýine bıýd­jetten 800 mıllıon teńge jum­saldy. Osydan bir-eki jyl buryn Qusmuryn kentinde mádenıet úıine kúrdeli jóndeý jumysy júrgizilgen edi. Bıyl «Altyn mıkrofon» halyqaralyq án festıvalinde qusmuryndyq jas ánshi bas báıgeni aldy. Byl­tyr Amangeldi aýdanynda 12 aýyl­dyq klýb jón­deýden ótti. Amangeldi aýdanynyń kó­r­­­-
kem­ónerpazdary, mine, fes­tı­val jeńimpazdarynyń qa­ta­ryn­da. Oblysta búginde 700-den asa mádenıet nysany jumys is­teıdi, olardyń árqaısysynda hal­yqtyń rýhanı qajetin óteıtin qyzyqty jobalar júzege asyp jatady, – dedi Arhımed Begejanuly.
Qorytyndy konsert aıasynda oblystyq festıval júl­degerleri marapattaldy. Úshinshi oryndy Jitiqara men Áýlıekól aýdandarynyń kór­­kemónerpazdary ıelenip, árqaısysy 1 mıllıon teńgeniń sertıfıkatyna ıe boldy. Ekinshi orynǵa Fedorov aýdanynyń óner ujymdary laıyqtalyp, 1 mıllıon 300 myń teńge alsa, birinshi oryndy Amangeldi aý­dany qanjyǵalady. Olar­ǵa oblys ákimi Arhımed Mu­ham­­­betov 1 mıllıon 700 myń­nyń sertıfıkatyn tapsyr­dy. Al festıvaldiń bas júl­desi Rýd­nyı qalasynyń kór­kem­óner­paz­daryna berildi, olarǵa 2 mıllıon teńge syıǵa tartyldy. 
– Qaı aýdanda, qalada máde­nı­et mamany qalaı jumys istese, festıval qorytyn­dy­synda olardyń nátıjesi de solaı bolady. Júldeger aýdan­dar­da mádenıet mamandary sah­na mádenıetiniń saqtalýyna, jan­rlardy ár alýandyǵyna, shyǵarmanyń saýattylyqpen oryndalýyna deıin eskerip otyrady. Ásirese, bas júldege ıe bolǵan Rýdnyı qalasynyń ónerpazdary sahnada ózderin óte joǵary deńgeıde ustaıdy, barlyq talaptarǵa saı jumys isteıdi, – deıdi bizdiń su­ra­ǵymyzǵa jaýap bergen Roza Oljabaeva. 

Názıra JÁRIMBETOVA,
«Egemen Qazaqstan»

QOSTANAI