Kitapta Astananyń ejelgi tarıhynan búginine deıingi tarıhı oqıǵalar qamtylǵan. Kitap «EKSPO-2017» kórmesi men astanamyzdyń Almatydan Aqmolaǵa (Astanaǵa) kóshkenine 20 jyl tolýyna oraı shyǵyp otyr. Atalmysh eńbekte kóptegen arhıvtik jáne jazba materıaldarmen qosa folklorlyq shyǵarmalar da qoldanylǵan. Avtor bul jumysty jazý úshin M. Absemetov, N. Aǵybaev, G.Alpysbaeva, K. Amırova, B. Dosanova, A. Kaken, M. Qusaıynov, J.Qasymbaev, A. Smaıyl, D. Shahmanov syndy ólketanýshy ǵalymdardyń eńbekterine súıengen. Kitap Astananyń ótkeni men búgini qyzyqtyratyn barsha oqyrmandarǵa arnalǵan.
«Astana: ótkeni jáne búgini» kitabynyń avtory Qabyldınov Zııabek Ermuhanuly 1965 jylǵy 13 jeltoqsanda Reseıdiń Omby oblysy, Tavrıcheskıı oblysyndaǵy Baıdalın (Baıtuıaq) aýylynda dúnıege kelgen. 1991 jyly Omby memlekettik ýnıversıtetin «Tarıh» mamandyǵy boıynsha bitirip, «Qazaq tili» qoǵamynyń Obmydaǵy bólimindegi «Omby úni» gazetinde qyzmet etken. 1997 jyly kandıdattyq, al, 2003 jyly Reseı ımperııasy terrıtorııasyndaǵy qazaq halqyn qalyptastyrý problemalary taqyrybynda doktorlyq dıssertasııasyn qorǵaǵan. 500-ge jýyq ǵylymı eńbekter men pýblısıstıkalyq maqalalardyń jáne birneshe oqý quraldary men úsh monografııanyń avtory. 2004-2017 jyldar aralyǵynda 30-dan astam otandyq jáne shet eldik ǵylymı jobalarǵa qatysqan. 2007 jylǵy qorytyndy boıynsha «Qazaqstan JOO-nyń úzdik oqytýshysy» jáne Qazaqstan jýrnalıster odaǵynyń múshesi. Zııabek Qabyldınov ǵalym retinde qazaq dıasporasynyń qalyptasýy, din, kóshi-qon jáne qaýipsizdik, tildik saıasat, ulttyq ıdeıa, ularalyq qarym-qatynas, Qazaqstan tarıhy syndy taqyryptarda zertteýler júrgizip, qalam terbegen. Al, ǵalymnyń «Astana: ótkeni jáne búgini» kitaby sońǵy jazǵan eńbegi jáne uzaq jyldyq izdenis pen eńbektiń jemisi.
