Oblys ákimi Qumar Aqsaqalovtyń tóraǵalyǵymen ótken “Nurly jer” memlekettik baǵdarlamasynyń jergilikti jerde júzege asyrylýy barysyn talqylaǵan otyrysqa «Qazaqstannyń turǵyn úı-qurylys jınaq banki» AQ-nyń tóraıymy Lázzat Ibragımova qatysty.
Basqosýda Petropavl qalasynyń ákimi Marat Tasmaǵanbetov esep berip, “Solnechnyı” shaǵynaýdanynda 200 úı salý boı kóteretinin jetkizdi. 8200 adam ótinish berip, 500 jer telimi ıelerin tapqan. Ár úıdiń bir sharshy metriniń quny 100 myń teńge mólsherinde. Infraqurylym tartýǵa bıýdjetten 1,3 mıllıard. teńge bólingen.
Qyzyljar óńirine jumys saparymen kelgen “Qazaqstannyń turǵyn úı qurylys jınaq banki” aksıonerlik qoǵamynyń basqarma tóraıymy Lázzat Ibragımova memlekettik baǵdarlama aıasynda jeke turǵyn úı salý, ıpoteka, jalǵa beriletin úı, jer telimderin alý jáne taǵy basqa kóptegen jeńildikter máselelerin ortaǵa saldy. .
«Búgingi tańda 26 myń soltústikqazaqstandyq bankte esepshot ashyp, 12 mıllıard teńge jınaǵan. Alaıda, barlyq salymshylardyń 2,5 myńy ǵana baspana qarjysynyń 50 paıyzyn jınaqtaǵan. Iаǵnı, tek ár onynshy salymshy ǵana baspanaǵa qol jetkizgen», dedi Lázzat Erkenqyzy.
Jıynda turǵyndardyń baǵdarlamaǵa qyzyǵýshylyǵyn arttyrý úshin ıpotekalyq nesıeniń paıyzdyq mólsherlemesin tómendetip, úıdiń sharshy metrine shaqqandaǵy baǵasyn arzandatý múmkindikteri i sóz boldy. Bank tóraıymynyń aıtýynsha, “Nurly jer” baǵdarlamasy arqyly jergilikti atqarýshy organdarda kezekte turǵan azamattar úshin alǵashqy salym kólemi 50 paıyzdan 30 paıyzǵa deıin tómendetilgen. Endigi kezekte bank ony 15 paıyzǵa deıin azaıtýdy qarastyryp otyr.
Qumar Aqsaqalov atalmysh banktyń salymshysy retinde baspana alý halyq úshin eń tıimdi jol bolyp turǵanyn, ortaq iske birlese otyryp jumys isteý qajettigin atap kórsetti.
Kezdesý barysynda oblystyq ákimdik pen “Turǵyn úı qurylys jınaq banki” aksıonerlik qoǵamy arasynda yntymaqtastyq jáne ózara is-qımyl týraly memorandýmǵa qol qoıyldy.
О́mir Esqalı,
Soltústik Qazaqstan oblysy.
