Arnaıy jáne biryńǵaı aıaq kıim óndirisimen, ıaǵnı ár túrli jumys túrlerine arnalǵan aıaq kıim, qarýly kúshter ókilderine arnalǵan, Sharkey brendimen aıaq kıimder óndirýmen jáne qysqy, jazǵy, korporatıvtik, kúzet qyzmetkerleri úshin kıim óndirisimen aınalysatyn "Zhamal-ai LTD" JShS adamdardyń qaýipsizdik jaǵdaılaryn jaqsartý úshin óziniń ónimderi men qyzmetterin zaman talabyna saı shyńdap otyr. Mekeme basshylarynyń jumysyndaǵy negizgi qaǵıdalarynyń biri – kıimder men arnaıy aıaq kıimderdi keshendi jetkizý bolyp tabylady. Taýarlardy Qazaqstannan tys elderge tasymaldaý maqsatynda, ónimderdi Qazaqstandyq jáne halyqaralyq standarttarǵa sáıkes sertıfıkasııadan ótkizip otyrady. Kásiporyn «О́zenMunaıGaz» AQ, «EmbaMunaıGaz» AQ, «Oıl Transport Korporeıshen» JShS, «Oil Construction Company» JShS , «Mangystaýenergomýnaı» JShS, «ArgymakTransServıs» JShS jáne t.b. kompanııalardy arnaıy kıimdermen qamtamasyz etip otyr. Sondaı-aq kásiporyn QR Qorǵanys mınıstrligine, Ishki ister mınıstrligine, «Ishki áskerler komıtetine» biryńǵaı aıaq kıim jetkizýshi bolyp tabylady.
О́ndiriske qajetti shıkizat pen materıaldar satyp alý - zaýyttyń turaqty qajettiliginiń biri. О́ndiristiń úzdiksiz jumys isteýin qamtamasyz etý maqsatynda, kompanııa basshylyǵy «Kazkommersbank» AQ aınalym qarajatyn tolyqtyrý maqsatynda 75 mln. teńgeni 36 aı merzimge nesıe alýǵa sheshim qabyldady. Joba óńdeý ónerkásibindegi shaǵyn jáne orta kásipkerlik jobalaryn qoldaý baǵdarlamasy arqyly jyldyq 6% mólsherinde qarjylandyryldy.
- Qarjylandyrý arqyly biz "Zhamal-ai LTD" JShS jumysynan jańa jetistikter kútemiz jáne oǵan senemiz. Sebebi, bul kásiporyn irgesi bekigen, óz jumysyn jolǵa qoıǵan qabyrǵaly kásiporyn, deıdi Mańǵystaý oblysy boıynsha «Damý» kásipkerlikti qoldaý qorynyń menedjeri A.Mombekov.
Gúlaıym Shyntemirqyzy,
«Egemen Qazaqstan».
Mańǵystaý oblysy
