Merekeleý sheńberinde agenttikte memlekettik rámizderdiń ekspozısııasyn saltanatty túrde ashý rásimi ótkizildi.
Qazaqstanda 1 shildeden bastap jańartylǵan standarttarǵa sáıkes kelmeıtin Memlekettik Eltańbany qoldanýǵa tyıym salynady. Ekspozısııanyń ashylýynda jańa ulttyq standarttarǵa sáıkes qaıta jańartylǵan Memlekettik Eltańbany usyndy.
Saltanatty is-sharaǵa eltańbanyń avtory Jandarbek Málibekuly qatysyp, is-sharaǵa qatysýshylardy ataqty kúnmen quttyqtaı otyryp, memlekettik rámizder Qazaqstannyń tarıhı baılyǵyn, halyqtyń úmiti men umtylystaryn beıneleıtinin atap ótti.
Jandarbek Málibekuly Qazaqstan Respýblıkasynyń memlekettik rámizderi konkýrsyna qatysqany týraly eske ala otyryp, óziniń shyǵarmashylyǵyna qandaı oı salǵanymen bólisti.
Saltanatty is-sharada agenttiktiń, Sybaılas jemqorlyqqa qarsy is-qımyl ulttyq bıýrosynyń qyzmetkerleri jáne Prezıdent janyndaǵy memlekettik basqarý akademııasynyń professor-oqytýshy quramy Qazaqstan Respýblıkasynyń memlekettik rámizderiniń tarıhyn, mańyzy men mánin qaıta eske alý múmkindigine ıe boldy.
Is-sharaǵa qatysýshylarǵa Qazaqstan Respýblıkasynyń memlekettik rámizderi týraly arnaıy beınefılm kórsetildi. Sonymen qatar, Agenttik Qazaqstan Respýblıkasynyń memlekettik rámizderi kúnin merekeleýge qatysty sporttyq is-sharalar uıymdastyryp, jeńimpazdaryn syılyqtarmen jáne gramotalarmen marapattady.
