Saryaǵash vokzaly arqyly Shymkentte aıaldaǵan júrdek poıyzdy shahar jurtshylyǵy sán saltanatymen qarsy alyp, jolaýshylarǵa sátti sapar tiledi. Meımandardy kútip alǵan OQO jolaýshylar kóligi jáne avtomobıl joldary basqarmasynyń basshysy Nurlan Baıǵut bul qatynas jolynyń Qazaqstan men О́zbekstannyń ózara mádenı, rýhanı, ekonomıkalyq baılanystary men týrızm salalaryn damytýǵa nyǵaıtatynyn jetkizdi.
«Buǵan deıin «Almaty-Tashkent» baǵytyndaǵy temir jol baǵyty ashylsa, búgin «Samarqan-Astana-Nurly jol» halyqaralyq júrdek poıyzynyń alǵashqy reısin qarsy alyp otyrmyz. Bul sanaýly kúnderden soń bastalatyn EKSPO-2017 halyqaralyq kórmesi qarsańynda keremet jańalyq bolyp tur. Iаǵnı, budaı bylaı, О́zbekstannyń eń kóne shaharlarynyń biri Samarqannan Astanaǵa arnaıy poıyz júretin bolady. Uzyndyǵy 2 myń shaqyrymǵa jýyqtaıtyn temir jol baǵyty aptasyna bir kún júretin bolady. Jol baǵyty juma kúni Shymkent arqyly Astanaǵa jol tartsa, jeksenbide Shymkentten Tashkent arqyly Samarqan baǵytyna júretin bolady», - dedi N.Baıǵut.
Qos elge ortaq temirjol baǵytyn shyǵarý týraly sheshim osy jyldyń naýryz-sáýir aılarynda eki el Prezıdentteriniń Astanadaǵy, Saryaǵashtaǵy basqosýlary jáne Q.Mamın bastaǵan úkimettik jumys tobynyń Tashkentke barýynyń nátıjesinde múmkin bolyp otyr. Osynaý kezdesýlerdiń nátıjesi - Qazaqstan men О́zbekstan arasyndaǵy ónerkásip, saýda-logıstıka, kólik qatynastarynyń jáne ózge salalardaǵy baılanystardyń damı bastaǵanynyń aıǵaǵy retinde búgingi sharany aıtýǵa bolady.
Qos memlekettiń týrızm salasyn odan ári damytýǵa atsalysatyn jol baǵyty baýyrlas elderdiń mádenı baılanystaryn da nyǵaıtady dep kútilýde. Sonymen qatar, jańa júrdek poıyzy elimizde ótetin EKSPO-2017 halyqaralyq kórmesine qonaqtardy tasymaldaýǵa aıryqsha atsalyspaq.
Shymkentte aıaldaǵan 20 mınýt ishinde jolaýshylar poıyzǵa qaıta otyryp, Shymkent temir jol vokzalynan Astana qalasyna attandy.
Aıta ketý kerek, Samarqan-Astana baǵytyna jol júrý quny 28 myń teńgege jýyqtaıdy.
