Nursultan Nazarbaev astanalyqtardy, ınvestorlardy jáne qurylysqa qatysqan barlyq azamattardy qonaq úıdiń ashylýymen quttyqtady.
– «EKSPO-2017» halyqaralyq kórmesi qarsańynda elorda turǵyndaryna taǵy bir syılyq jasaldy. Bul – álemdik deńgeıdegi «Rıts-Karlton» qonaq úıi. Onyń qurylysyna sapaly tehnologııalar men standarttar qoldanylyp, qysqa merzim ishinde boı kóterdi. Bul – qala ınfraqurylymyna salynǵan zor ınvestısııa, – dedi Memleket basshysy.
Qazaqstan Prezıdenti Astananyń joǵary deńgeıli qonaq úı keshenine ıe bolǵanyn atap ótti.
– Qonaq úı qurylysyna Qazaqstannyń kompanııalary qatysty. Jańa ǵımaratta eń joǵary deıgeıdegi is-sharalardy ótkizip, joǵary mártebeli meımandardy qabyldaýǵa qajetti barlyq ınfraqurylym bar, – dedi Nursultan Nazarbaev.
Sondaı-aq, Elbasy Qurmetti qonaqtar kitabyna qoltańba qaldyrdy.
***
Astananyń sol jaǵalaýyndaǵy Talan Towers kesheniniń jalpy alańy – 120 myń sharshy metr. Onda Talan Towers Offices, «Rıts-Karlton» qonaq úıi, SPA ortalyǵy, bıznes ortalyǵy jáne «Emporium» saýda galereıasy ornalasqan.
