Oǵan oblys ákimi Qyrymbek Kósherbaev, QR Memlekettik Eltańbasynyń avtory-Jandarbek Málibekov, ardagerler men úkimettik emes uıymdardyń ókilderi jáne jastar qatysty. Aımaq basshysy qyzylordalyqtardy 4 maýsym-memlekettik rámizder kúnimen quttyqtady.
- Elbasy Nursultan Ábishuly Nazarbaev aıtqandaı: "Memlekettik rámizder – halqymyzdyń rýhyn, ulttyq sanasy, qaharmandyǵy men danalyǵyn, bolashaqqa degen úmitin, arman-tilegin jetkizetin erekshe qundy belgiler". Kók Tý astynda berekeli birligimiz ben tatý tirligimiz, Gımnimiz ben jetistigimiz dúnıejúzine tanylýda. Táýelsiz Qazaqstannyń Kók Týy ózimen tilektes, ekonomıkalyq jáne dostyq qarym-qatynas ornatqan kóptegen shet elderde jelbirep tur. Ulttyq Týymyz Olımpıadalyq oıyndar men álem chempıonattarynda bıikterge kóterilýde. Bul – árbir qazaqstandyq úshin úlken maqtanysh, zor abyroı, uly baqyt dep bilemin. Shırek ǵasyr enshisinde Elbasy bastaýymen elimizde ǵasyrǵa tatıtyn aýqymdy jumystar jasaldy. Sonyń nátıjesinde, búgingi urpaq ǵasyrlar boıy ata-babamyz ańsaǵan táýelsizdiktiń, ulttyq memleket qurý muratynyń júzege asqan zamanynda beıbit ǵumyr keshýde,-dedi oblys ákimi.
Sondaı-aq, syrboıylyqtardy QR Memlekettik Eltańbasynyń avtory, belgili sáýletshi, jerlesimiz-Jandarbek Málibekov quttyqtady.
Munan soń Rámizder alleıasynda memlekettik qyzmetke jaqynda qabyldanǵandar ant qabyldady. Sonymen qatar, aımaqtyń birqatar turǵyndary oblys ákiminiń alǵys hattarymen marapattaldy. Olar: kásibı biliktiligi arqasynda ana men onyń sábıin aman alyp qalǵan Qosaman aýyldyq okrýginiń feldsheri Janar Serjanova, alapat órtten 20 adamdy qutqarǵan №11 órtke qarsy qyzmet bóliminiń mamandary, halyqaralyq olımpıadalardyń jeńimpazy Qýanysh Anarbaı, shahmattan álem chempıony Ásel Serikbaı jáne birqatar oblystyq jáne respýblıkalyq baıqaýlardyń júldegeri, «Kyzylordınskıe vestı» gazetiniń tilshisi Kırıll Denısov.
