350 adamǵa arnalǵan eki qabatty Birikken Arab Ámirlikteri Qyzyl jarty Aı Qoǵamynyń qoldaýymen salynǵan. Qazaqstan musylmandary Din isteri basqarmasynyń tóraǵasy, Bas mýftı E. Malǵajyulynyń buıryǵymen buǵan deıin qaraqııa aýdanynyń ortalyq meshitin basqarǵan Sısenbaev Jeńis Saıyn aýylyndaǵy jańa meshittiń ımamy bolyp taǵaıyndaldy.
- Biz Ramazan aıynda jaqsy istiń kýási bolyp turmyz. Jańa meshittiń ashylýy – óńirimizdiń din salasyndaǵy taǵy bir jańa paraqtyń ashylýy. Meshit – birlik bastaýy, ishki tatýlyq pen úılesimdiliktiń orny. Meshit sanynyń kóbeıýi qoǵamnyń dinı negiziniń bekı túsýine yqpal etedi. Jańa meshit birlikti saqtaýǵa, úlgili jastardy tárbıeleýge óz úlesin qosady dep senemin. Ramazan aıyndaǵy orazalaryńyz qabyl, qýanyshtaryńyz qutty bolsyn, aǵaıyn! – dedi Mańǵystaý oblysynyń ákimi E.Toǵjanov.
Meshittiń lentasyn Túpqaraǵan aýdanynyń «Qurmetti azamaty», S.Shapaǵatov aýyly ardagerler keńesiniń tóraǵasy Ikembaı Terekbaı men Mańǵystaý oblysy boıynsha ardagerler keńesiniń tóraǵasy Serikbaı Týletov qıdy.
Bul – Mańǵystaý óńirindegi 29-shy meshit, qazirgi tańda Túpqaraǵan aýdanyna qarasty Aqshuqyr aýylynda turǵyndar óz kúshimen meshit turǵyzýda.
Gúlaıym ShYNTEMIRQYZY,
«Egemen Qazaqstan»
Aqtaý
