«Biz Memlekettik rámizder kúni qalamyzdan Táýelsizdiktiń 25 jyldyǵy atyndaǵy saıabaq ashyp otyrmyz. Qostanaı qalasyn orala aǵyp jatqan Tobyl ózeniniń jaǵasynan demalys saıabaǵyn ashý úshin memlekettik bıýdjetten 1 mıllıard teńge qarjy bólingen bolatyn. Oǵan rollerlik dańǵyl, jattyǵý zaldary, balalar attraksıony, voleıbol, shaǵyn fýtbolǵa arnalǵan alańdar jáne myń oryndyq amfıteatr salyndy» dedi Arhımed Begejanuly.
Ákim osy jerde taǵy da kartıng ortalyǵy ornaıtyndyǵyn, Arlan-2050 bazasy jańartylatynyn da kópshilikke jetkizdi. Osy jobalardy jasaýǵa 250 mıllıon teńge jeke ınvestısııa da tartyldy. Munda endi sport saraıy jáne fýtbol maneji de ornalasatyn bolady.
Qalanyń bir sheti sanalatyn bul jerde mundaı iri demalys orny bolmaıtyn. Endi turǵyndardyń qýanyshynda shek joq. Onda demalyp, qydyrýǵa da, sýǵa túsýge, sportpen aınalysýǵa,jazda velosıped, qysta shańǵy tebýge, kóńil kóterip, konsertter tyńdaýǵa da múmkindik bolady.
Názıra Járimbetova
«Egemen Qazaqstan»
QOSTANAI
