Ulybrıtanııada Qazaqstanǵa arnalǵan kesh ótti

Atalǵan is-sharaǵa Qazaq­stan­nyń Ulybrıtanııadaǵy el­shisi Erlan Ydyrysov, qala meri Djon Parker, Hempshır graftyǵynyń joǵary sherıfi Merı Montagý-Skott, Brıtanııa Parlamenti Qa­ýym­dar palatasynyń múshesi Kero­lın Noýks, sondaı-aq graf­tyq­­tyń mádenı-tarı­hı qa­ýym­das­tyqtarynyń ókil­deri me­n Romzı qalasynyń tur­ǵyn­dary qatysty. 
Is-shara barysynda E.Ydy­rysov qatysýshylarǵa Qazaq­stan jaıynda jan-jaqty aqparat berip, Prezıdent Nursultan Nazarbaevtyń «Qazaqstannyń Úshinshi jańǵyrýy: jahandyq básekege qabilettilik» atty Jol­daýy men «Qazaqstan-2050» uzaq merzimdi strategııasy aıasynda júrgizilip jatqan ekonomıka jáne saıası júıeni jańartý jónindegi reformalar, qoǵamdyq sanany jańǵyrtý týrasyndaǵy jańa baǵdarlamamen tanystyrdy.
О́ziniń sózinde elshi Qazaq­stan­nyń erte zamannan kele jat­qan san ǵasyrlyq baı tarıhy bar mem­leket ekenin atap ótti. «Tá­ý­els­izdik alǵan az ýaqyt ishinde Qazaq­stan úlken jetistikterge qol jet­kizip, álemdegi jyldam damyp kele jatqan ekon­o­mı­ka­lar­dyń birine jáne ha­lyq­ara­lyq qoǵamdastyqtyń senimdi se­rikte­sine aınaldy», dedi elshi.    
E.Ydyrysov atalǵan is-sha­ranyń Qazaqstan men Uly­brı­tanııa arasyndaǵy dıp­lo­matııa­lyq qatynastardyń or­natyl­ǵanyna 25 jyl tolǵan jy­ly ótki­zilip otyrǵanyn erekshe atap ótti. «Birikken Koroldik biz­diń ekono­mıkamyzdyń altyn­shy eń iri ınvestory, al Qazaqstan Brıtanııa úshin saýda já­ne ınves­tısııalardy keńeıtýge já­ne damytýǵa qajetti basty mem­leketterdiń biri», dedi qa­zaq­standyq dıplomat.
Eki el arasyndaǵy qarym-qaty­nas­tardyń joǵary deńgeıde eken­digin atap ótken Qazaqstan elshisi belgili brıtandyq zert­teý­shi jáne sáýletshi Tomas Atkınsonnyń eli­mizdiń mádenı murasyna qosqan mańyzdy úlesine toqtaldy. Qazaq­stanǵa HIH ǵasyrda kelgen brı­tandyq saıa­hatshy qazaq halqynyń ómiri týraly kóptegen sýretter men jazbalar qaldyrǵan.   
Keshte brıtandyq jýr­nalıst jáne jazýshy Nık Fıldıng T.At­kınson týraly jan-jaqty baıan­dama jasap, qonaqtarǵa onyń qazaq jerine jasaǵan saıahaty jaıynda aıtyp berdi. Sonymen birge, brıtandyq zertteýshiniń urpaqtary Stıv jáne Djıl Braýn ózderiniń byltyrǵy jazda elimizge barǵany jaıyndaǵy áserlerimen bólisti.
Is-shara sońynda qonaqtar «Qa­zaqstan tabıǵaty» foto­kór­me­sin tamashalaýǵa múmkindik aldy.