Qazaqstan Respýblıkasynyń Bas Prokýrory Jaqyp Asanov 21-shi Peterbýrg halyqaralyq ekonomıkalyq forýmyna qatysty, dep habarlaıdy QR Bas prokýratýrasynyń baspasóz qyzmeti.
Bas Prokýror «Doverıat nelzıa proverıat. Smeshenıe aksentov kontrolno-nadzornoı deıatelnostı» atty sessııada sóz sóıleý barysynda qazaqstandyq tájirıbemen bólisti. Osy saladaǵy qazaqstandyq qadaǵalaýshy vedomstvonyń basymdyǵyn, tekserýshi men tekseriletinniń arasyndaǵy navıgasııanyń anyqtyǵy, qylmystyq prosesti sıfrlandyrý jóninde atap ótti.
Forým alańynda Jaqyp Asanov Reseı Federasııasy Bas Prokýrory Iýrıı Chaıkamen, Izraıl Memlekettik prokýrory Shaı Nısanmen, RF Prezıdenti janyndaǵy Kásipkerlerdiń quqyǵyn qorǵaý jónindegi Ýákil Borıs Tıtovpen ekijaqty quqyqtyq yntymaqtastyq pen ony odan ári kúsheıtýdiń joldary jóninde kelissózder júrgizdi.
Forýmdaǵy pikirtalas bes baǵyt boıynsha júrgizildi. Olar: «Ǵalamdyq ekonomıkanyń dınamıkasy», «Reseı ekonomıkasyn qalyptastyrýdyń tártibi», «Shynaılyqty ózgertetin tehnologııalar», «Adamı kapıtal damýdyń negizgi baǵyty retinde» jáne «Bolashaq jaıly áńgime».
Álemdik ekonomıka damýynyń negizgi suraqtary, jańa ǵylymı jetistikter men tehnologııalardy engizý, halyqaralyq yntymaqtastyqty nyǵaıtý men ózge de osy zamanǵy ózekti problemalar dástúrli túrde Forýmda talqylanady.
Anyqtama úshin: Forýmda 40-tan astam eldiń álemdik deńgeıdegi iri kompanııalary, kóshbasshylary men úkimet basshylary qatysty. Sonyń ishinde: Reseı Prezıdenti Pýtın V.V., BUU Bas hatshysy Antonıo Gýtterısh, Aýstrııanyń federaldyq kansleri Krıstıan Kern men Úndistan premer-mınıstri Narendra Modı jáne álemdik kóshbasshylar, RF úkimet, federaldyq organdar basshylary men qoǵamdyq uıymdar ókilderi boldy.
