О́tken jeksenbide EKSPO-2017 alańynda basty daıyndyq sharasy ótti, onda uıymdastyrýshylar kórme aýmaǵynda qaýipsizdikti qamtamasyz etý men aralaýǵa qolaıly jaǵdaılar jasaý qyzmetteriniń daıarlyǵyn, sondaı-aq, servıs nysandarynyń tehnıkalyq daıyndyǵy men pavılondardyń ázirligin tekserdi.
Kórme ashylǵanǵa deıin 1 mln-ǵa jýyq bılet satý josparlanǵan, alaıda, satylym kólemi bul deńgeıden 20%-ǵa asyp tústi, dedi Dáýlet Erkimbaev. Kórmege kelýshiler sanynyń kóp bolatynyna baılanysty tıisti sharalar qabyldanǵan.
Qaýipsizdik departamentiniń dırektory Rústem Shákenovtyń málimeti boıynsha, halyqaralyq kórmeniń ashylýyna oraı josparlanǵan sharalardyń barlyǵy tolyq kólemde oryndaldy. Qajetti jabdyqtardyń barlyǵy satylyp alyndy jáne ornatyldy – bular beıne baqylaý, dabyl, kórme ashyqtyǵyn basqarýdy baqylaý júıeleri.
Qaýipsizdikti qamtamasyz etetin mamandardyń barlyǵy – quqyq qorǵaý organdarynyń, jeke kúzet qurylymdarynyń qyzmetkerleri oqytý kýrstary men tildik daıarlyqtan ótti.
«Kirgizý toptaryn jasaqtaýǵa erekshe nazar aýdaryldy, olar 1 saǵattyń ishinde 12 myńǵa jýyq adamdy qabyldaı alady. Sonymen qatar kútý ýaqyty 30-40 mınýttan aspaıtyn bolady», - dedi Rústem Shákenov.
Sheteldik qonaqtarǵa eriktiler kómek kórsetedi. Kórme uıymdastyrýshylary barlyǵy 4,5 myń adamdy iriktep, daıyndady. Ár aı saıyn kórme aýmaǵynda 1,5 myń adam kómek kórsetedi. Alǵashqy 800 erikti Qaraǵandy, Qostanaı, Pavlodar oblystary men Almatydan kelgen.
Medısınalyq kómek kórsetý úshin 210-nan astam medısına qyzmetkeri tartylǵan. Dárigerler, feldsherler, reanımasııa mamandary kún saıyn Halyqaralyq kórme aýmaǵynda kezekshilik etetin bolady. Kórme aýmaǵynda barlyǵy 7 medısına pýnkti bar.
EKSPO-2017 uıymdastyrýshylary 115 halyqaralyq qatysýshynyń barlyǵy kórmeniń ashylýyna ázir ekenin habarlady. Olar óz pavılondary men atqarymdyq júıelerdiń jumysyn tekserip jatyr.
