Kásipqoı sportshylar men áýesqoılar «Nurly Taý» bıznes ortalyǵynan bastalyp QR tuńǵysh Prezıdenti saıabaǵynda aıaqtalǵan 9 shaqyrymdyq qashyqtyqty baǵyndyrdy. Márege kósh bastap kelgen qatysýshylardyń arasynda baǵaly syılyqtar men EKSPO halyqaralyq kórmesine arnalǵan bıletter oınatyldy. Eń baǵaly syılyqtardyn biri velosıpedti utyp alǵan almatylyq Oleg Borýbaev óz qýanyshymen bólisti.
– Kóńil kúıim óte tamasha. Velosıped utyp alamyn dep oılaǵan joq edim. Elimizdiń mereıli merekesinde, bul, otbasym úshin erekshe syılyq boldy. Uıymdastyrýshylarǵa alǵysym sheksiz, sebebi apta saıynǵy velosherýlerdi joǵary deńgeıde ótkizedi. Almaty – sport pen izgiliktiń qalasy. Aldaǵy ýaqytta da, ár velosherýdi jibermeı qatysýǵa tyrysamyn, - dedi Oleg.
Aıta ketsek, osy velosherý «Sporttyq Almaty» jobasy aıasynda 2017-shi jyly josparlanǵan 21 velosherýdiń altynshysy bolyp otyr.
Arman OKTIаBR,
«Egemen Qazaqstan»
ALMATY
