Vıza alý resimi jeńildeıtin boldy

Syrtqy ister mınıstrliginiń ǵımaratynda elimizdegi Fransııa men Shveısarııanyń Tótenshe jáne ókiletti elshileri jýrnalısterge arnap baspasóz máslıhatyn ótkizip, onda qazaq­standyq ulttyq tólqujat ıelerine 3 aıdan aspaıtyn qysqa merzimge vıza berýde eki el arasynda kelisim jasalǵanyn aıtty. Osyǵan deıin dıplomattyq jáne qyzmettik tólqujat ıeleri­niń Shengen vızasyn alýda jeńil­dikteri bolyp kelse, al jalpy jurtqa, ıaǵnı ulttyq tólqujat ıe­lerine Fransııa men Shveı­sa­rııa­ǵa barýda qıyndyqtar kóp kezigetin. Mysaly, eger de alma­ty­lyq azamat Shveısarııaǵa barǵy­sy kelse, onda ol vıza alý úshin min­detti túrde Astanaǵa kelýi tıis-tin. Al elimizdiń ózge óńir­le­ri­niń azamattary Fransııaǵa ba­ra­tyn bolsa, onda vıza alý úshin Almatyǵa arnaıy jolǵa shy­ǵatyn. Endi Fransııa men Shveı­sa­rııa­nyń Qazaqstandaǵy elshilikteri elimizdiń ulan-ǵaıyr aýma­ǵyn eskerip, azamattar turǵy­lyq­ty oryndarynan vıza úshin óte uzaqqa jol tartpasyn dep Aqmo­la, Qaraǵandy, Shyǵys Qazaq­stan, Pavlodar, Soltústik Qazaq­stan, Qostanaı, Aqtóbe, Batys Qa­zaqstan, Atyraý jáne Mań­ǵys­taý oblystarynyń turǵyndary­nyń vıza alýǵa ótinishterin Astana qalasyndaǵy Shveısarııa elshiligine, al Almaty, Jambyl, Oń­tústik Qazaqstan jáne Qyzyl­orda oblysynyń azamattary Al­maty qalasyndaǵy Fransııa Bas konsýldyǵyna tapsyrý múmkindi­gin týǵyzǵan. Bul kelisim qazan aıynyń 3-inen bastap kúshine enetin boldy. Baspasóz máslıhatynda Syrt­qy ister mınıstrligi Konsýldyq qyzmet departamentiniń dırek­to­ry Rysqalı Dáýrenbek Qazaqstan azamattarynyń jyl ótken saıyn shetelderge shyǵý saparlarynyń kóbeıýine baılanysty vıza alý máselesi kúrdeli máselege aına­lyp turǵanyn, al búgingi eki el­shi­liktiń arasyndaǵy kelisimniń nátıjesinde bizdiń azamat­ta­ry­myz­ǵa vıza alýda jeńildik ja­sa­lyp otyrǵanyn atap kórsetti. Biz óz tarapymyzdan osy qadam úshin alǵysymyzdy aıta kelip jáne bul Eýroodaqqa múshe elder úshin úlgi bolady dep senemiz. Qazaq­stan Eýroodaqpen tek dıplo­ma­tııa­lyq nemese qyzmettik tól­qu­jat ıelerine ǵana emes, jalpy qazaqstandyq azamattardyń vıza alýynda jeńildikterge qol jetýleri úshin EO-ǵa múshe eldermen kelisimderdiń jobalaryn daıyn­daýda. Ol Eger ol qoldaý tapsa, el azamattary úshin saparlarǵa shyǵý ońaılaıdy, dedi R.Dáý­renbek. Shveısarııa konfederasııa­sy­nyń Qazaqstandaǵy Tótenshe jáne ókiletti elshisi Stefan Nelle jýrnalısterge Shveısarııa konfederasııa bolǵandyqtan, keı­bir vı­zalardy berýdi kan­tondardyń (oblystardyń) ózi sheshetindigin, emdelýge, oqýǵa nemese halyq­aralyq konferensııalarǵa qatysý úshin barýǵa alynatyn vızalarǵa ótinish berý tek Astanada ǵana jú­zege asatynyn aıtqan. Al Fransııa elshisi Jan-Sharl Ber­tone biz áriptesimiz ekeýmiz vıza berý isindegi qıyndyqtardy esep­ke ala kelip, Parıj ben Bern­ge usynyspen shyqqan bola­tynbyz. Endi, mine, usynystyń qup alynýynyń nátıjesinde 3 qazannan bastap Shveısarııanyń Astanadaǵy elshiligi respýblı­ka­nyń soltústik, shyǵys jáne ba­ty­synyń azamattaryna elordadan, al ońtústik turǵyndaryna Alma­tydaǵy bas konsýldyqtan vıza bere bastaıdy, dedi. Anar TО́LEÝHANQYZY.