Bıyl alǵashqy úsh aıda densaýlyq saqtaý jáne áleýmettik qyzmet uıymdary qazaqstandyqtarǵa 263,3 mlrd teńgeniń qyzmetin kórsetken, bul ótken jyldyń osy kezeńimen salystyrǵanda 2,4%-ǵa artyq. Onyń ishinde 80,3%-y bıýdjet qarajaty esebinen, 13,8% - turǵyndar esebinen jáne 5,9 % - kásiporyndar esebinen jumsalǵan.
Aıta keterligi, elimizdegi Astana, Almaty sekildi eki iri megapolıske densaýlyq saqtaý jáne áleýmettik kómek qyzmeti salalarynyń barlyq qyzmetteriniń 30%-ǵa jýyǵy ǵana jumsalady, alaıda munda elimizdiń nebári 15% turǵyny shoǵyrlanǵan. Bul sonymen qatar, eki qalada respýblıkalyq deńgeıdegi medısınalyq ortalyqtardyń kóptigin bildiredi. Qyzmet boıynsha eń joǵarǵy orta chek te Astanada tirkelgen. Munda adam basyna 41,1 myń teńge (jylyna +8%) jáne Almatyda adam basyna 25 myń teńge (jylyna +2,4%).
Salystyrmaly túrde, Qazaqstan boıynsha orta eseppen densaýlyq saqtaý jáne áleýmettik kómek boıynsha 2017 jyldyń qańtar-naýryz aılaryndaǵy kórsetkish adam basyna shaqqanda 14,8 myń teńge, bul ótken jyldyń osy kezeńimen salystyrǵanda, 1,9%-ǵa artqan.
