Aıta keteıik, Halyqaralyq aýyr atletıka federasııasynyń sheshimi boıynsha Zýlfııa sporttan eki jylǵa shettetilgen edi. Jaza merzimi 2016 jyldyń 26 mamyrdan bastalady. Jazanyń aıaqtalý merzimi 2018 jyldyń 10 maýsymy. Al Ilınniń jaǵdaıyna baılanysty naqaty sheshim shyǵarylǵan joq.
«Men áli kúnge deıin Chınshanlomen habarlasyp turamyn. Únemi baılanystamyn. Jaza týraly sheshim shyǵarylǵanǵa deıin biz Zýlfııamen kezdesip, Tokıo Olımpıadasy týraly sóılestik. Sol kezde ol eger Olımpıadaǵa qatysatyn kishkentaı múmkindik bolsa, sol múmkindikti paıdalanatynyn aıtty. Endi jaza merzimi naqty belgili bolǵannan keıin ol sportqa qaıta oralady. Ilıa Ilın týraly aıtatyn bolsaq, onyń jaǵdaıy áli belgisiz bolyp tur. Eger Ilıada da múmkindik bolsa, ol da paıdalanary anyq.
Ilınge qatysty áli naqty sheshim shyǵarylǵan joq. Men onyń isine baılanysty otyrystyń qashan bolatynyn da bilmeımin. Bul saýalmen Qazaqstannyń aýyr atletıka federasııasy aınalysyp jatyr. Eger Ilındi de eki jylǵa shettetetin bolsa, ol da Tokıodaǵy Olımpıadaǵa qatysady dep oılaımyn», deıdi Nı.
Aıta keteıik, Halyqaralyq aýyr atletıka federasııasy Maııa Maneza men Zýlfııa Chınshanlony eki jylǵa sporttan shettetse, Svetlana Podobedovany segiz jylǵa sporttan alastatqan edi. Jaza Londondaǵy Olımpıada oıyndarynyń dopıng synamasy tekserilip, teris nátıje berilgennen keıin, ıaǵnı 2016 jyldyń 26 mamyrynda shyqty.
Ilıa Ilın de osy dopıng máselesine baılanysty sporttan shettetildi. Biraq, onyń naqty qansha merzimge shettetilgeni týraly sheshim shyqpady.
