Palestına óziniń táýelsizdigi úshin kúresiniń belgili bir shegine jetti-aý degen tusta Izraıl jaǵy taǵy bir teris áreketke baryp otyr. Izraıl Palestına óziniń bolashaq astanasy etpek Shyǵys Ierýsalımge 1100 evreı qonystaryn salý týraly sheshim qabyldady.
Bul Palestına talabyn durys sanaıtyn álemdik qoǵamdastyq ókilderi tarapynyń narazylyǵyn týǵyzyp otyr. О́ıtkeni, mundaı sheshim Izraıl men Palestına arasyndaǵy beıbit kelissózderdi qaıta jalǵastyrýǵa tosqaýyl qoıady. Sondyqtan Izraıl jaǵy parasatqa júginip, óziniń bul sheshiminen bas tartqany jón, deıdi osyǵan oraı EO-nyń Syrtqy ister jónindegi Joǵarǵy ókili Ketrın Eshton.
KELISIM KELISSО́ZDERI О́TPEI QALDY
Eýropalyq Odaqtyń bitimgershileri Kosovo men Serbııa bıligi arasyndaǵy kelissózderdiń kelesi kezeńin ótkize almady. Únqatysýdyń júzege aspaýyna Kosovo men Serbııa shekarasyndaǵy jáne Serbııanyń ózindegi serbter turatyn bólikte oryn alǵan zorlyq-zombylyq tolqyny sebep boldy.
Qaqtyǵystyń sońǵy serııasy saldarynan shekara syzyǵynda NATO kontıngenti quramyndaǵy 4 áskerı qyzmetker men 6 serb azamaty jaraqattandy. Osydan keıin Belgrad delegasııasy suhbat júrgize almaıtyndaryn málimdedi. Al shekaradaǵy janjaldy Prıshtınanyń eki araǵa naǵyz shekara beketin ornatpaq nıeti týyndatqan edi.
ORYSTAR BALAMASYZ SAILAÝǴA NARAZY
Máskeý polısııasy qoldaryna «Oppozısııasyz saılaý ótkizý – qylmys!» degen jazýy bar banner ustap, Trıýmfaldi alańǵa qaraı bettegen adamdardy qamaýǵa aldy. Olar ustalmas buryn ruqsat etilmegen shara ótkizýge bolmaıdy dep eskertý jasalypty. Biraq saılaýǵa narazylar eskertýge qulaq aspasa kerek.
Ustalǵandardyń barlyǵy jaqyn jerdegi polısııa beketine jetkizilip, olarǵa qatysty ákimshilik tártip buzdy degen turǵyda hattamalar toltyrylǵan. Osydan birneshe kún buryn dál sol jerde polısııa sol taqylettes mıtıng uıymdastyryp, qoldaryna atalǵan mazmundaǵy banner ustaǵan oppozısıonerlerdi qýyp taratqan bolatyn.
TIMOShENKO ÚShIN JETI JYL SURALDY
Ýkraınanyń burynǵy premer-mınıstri Iýlııa Tımoshenkonyń prosesinde memlekettik aıyptaýshy sýdıa Rodıon Kıreevten ony jeti jylǵa bas bostandyǵynan aıyrý týraly úkim shyǵarýdy suraǵan. Sondaı-aq aıyptaýshy Iý.Tımoshenkony úsh jylǵa memlekettik qyzmetpen aınalysý quqynan aıyrýdy talap etken.
Búginde Ýkraınanyń burynǵy premer-mınıstrine qyzmet ókilettigin asyra paıdalanyp, Ýkraınaǵa Reseı gazyn jetkizý týraly kelisim-shart jasasqan kezde eldiń munaı-gaz kompanııasyna 150 mıllıon eýro kóleminde shyǵyn keltirdi degen aıyp taǵylyp otyr. Iý.Tımoshenkonyń ózi bolsa, zańnan attamaǵanyn aıtady.
AHMADINEJADTYŃ PAIYMY YZALANDYRDY
«Ál-Kaıda» terrorlyq jelisi Iran prezıdenti Mahmud Ahmadınejadty 2011 jyldyń 11 qyrkúıegindegi lańkestikke qatysty jalǵan aqparat taratty dep aıyptady. Iran prezıdentiniń oı-paıymynsha, AQSh tarıhyndaǵy eń qasiretti lańkestikti lańkester emes, Vashıngtonnyń ózi uıymdastyrǵan.
Mahmud Ahmadınejad atalǵan oıyn sońǵy ret Nıý-Iorkte ótken BUU Bas Assambleıasynyń sońǵy, 66-sessııasy minberinen qaıtalaǵan bolatyn. Onyń sózine qaraǵanda, óziniń ınjener retinde biletini – Búkilálemdik saýda ortalyǵynyń qos ǵımaraty tek ushaq soǵylýynan ǵana jermen-jeksen bolmaıdy. Ǵımarattarǵa aldyn ala jarylǵysh zattar qoıylǵan. Árıne, bul ustanymmen kelispeıtinder de kóp.
QURBANDYQTAR SANY ARTA TÚSTI
Fılıppınde oıran salǵan «Nesat» taıfýnynyń saldarynan kem degende 20 adam opat bolǵan. Qurbandyqtardyń kóbi el astanasy Manıla men onyń tóńiregindegi eldi mekenderde tirkelgen. Tabıǵat apaty aldynda nóser jańbyr jaýsa, jeldiń jyldamdyǵy saǵatyna 150 shaqyrymǵa jetken.
Qutqarýshylar qırandylar arasynan 108 adamdy qutqaryp alsa, eldiń 35 turǵyny joǵalyp ketkender qataryn tolyqtyryp otyr. Taıfýn kezinde barlyq memlekettik mekemeler jabylyp, 100 myń adam qaýipsiz jerlerge kóshirilgen. Búgin-erteń «Nesat» Qytaıdyń Haınan aralynyń jaǵalaýlaryna jetedi dep kútilýde.
Qysqa qaıyryp aıtqanda:
Iemen oppozısıonerleri úkimet áskeriniń ıeligindegi áskerı ushaqty atyp túsirdi. Eldiń Arhab dep atalatyn búlikshil aýmaǵynda birneshe aı boıy qaqtyǵystar júrip jatyr. Oppozısıonerler Iemen prezıdenti Alı Abdýlla Salehtyń bılikten ketýin talap etkeli jarty jyldan asyp barady.
Lvovtyń oblystyq keńesi eldiń qysqy ýaqyttan jazǵy ýaqytqa jáne kerisinshe ótýiniń kúshin joıǵan zańdy alyp tastaýdy talap etip Ýkraınanyń Joǵarǵy radasyna shyqpaqshy nıet tanytyp otyr. Sóıtip, atalǵan oblys Máskeý ýaqytynan bas tartqandy qalaıdy.
Bolgarııanyń birneshe qalasynda syǵandarǵa qarsy narazylyq aksııasy bolyp ótti. Buǵan 19 jastaǵy Angel Petrovtyń qazaǵa ushyraýy sebep boldy. Kýálerdiń kórsetýinshe, ony máshınesimen syǵan barony Kırıll Rashkovtyń kómekshisi ádeıi baryp basqan. Endi Sar Kıro degen laqap aty bar kómekshiniń kinási dáleldense, ol alty jylǵa sottalýy múmkin.
Estonııanyń qarjy mınıstri Iýrgen Lıgı eldiń Eýropalyq turaqtandyrý qoryna qosylýyna qarsylardy «topastar» dep syn tezine aldy. Atalǵan zań jobasy parlamentte alǵash oqylymnan ótken bolatyn. Ol boıynsha Estonııa ózine daǵdarysty basynan ótkerip otyrǵan eýroaımaqtaǵy elderge qarjylaı kómek kórsetý mindettemesin alady.
Internet materıaldary negizinde ázirlendi.
