Domınıkan mınıstri Astanaǵa alǵash ret resmı saparmen keldi

Kezdesý barysynda qos tarap Qazaqstan-Domınıkan arasyndaǵy yntymaqtastyq máselesin talqylap, saıası deklarasııaǵa qol qoıdy.
– Biz mańyzdy, syndarly ke­lis­­sóz ót­kizdik. Bul qujatta eki el ara­­syn­daǵy qarym-qatynas­tar­­dyń basty aspektileri men vedomstvo­ara­lyq qujattardyń mańyzdy­lyǵy belgilengen. Kelissóz barysyn­da birqatar máselelerdi talqy­ladyq. Astana men Santo-Domın­go arasyndaǵy saıası, saýda-ekono­mı­kalyq, ınvestısııalyq, týrıstik jáne mádenı-gýmanıtarlyq baılanystardy keńeıtý jaıy qaraldy. Qos tarap saýda men ınvestısııalardyń kólemin arttyrýǵa nıetti. Sonymen qatar, Do­mınıkanǵa saıahattap júrgen qazaq­standyqtardyń qatary az emes. Osy sebepti, vızalyq rejimdi jeńildetý úshin kelisim daıyndalyp jatyr, – dedi Qaırat Ábdiraxmanov.
Kezdesýde Domınıkan Respýb­lıkasynyń EKSPO-2017 kórmesine qa­tysatyny bul óz kezeginde eki el ara­syndaǵy qarym-qatynastyń ny­ǵaıa túsýine septigin tıgizetini atap ótildi. 
Al Domınıkannyń Syrtqy ister mınıstri kezdesý barysynda naqty qujattardy rásimdeýge múddeli eke­nin málimdedi.
– Bizdiń basty maqsatymyz – saýda-ınvestısııalyq baılanystarymyzdy jańa deńgeıge shyǵarý. Sonymen qatar, EKSPO-2017 kórmesinde ashylatyn Domınıkan Respýblıkasynyń ulttyq pavılonyndaǵy jumysqa belsene kirisetin bolamyz. Osy ar­qy­ly qos memleket arasyndaǵy saýda-eko­nomı­kalyq jáne iskerlik qarym-qa­ty­nas damı túsedi, – dedi Mıgel Vargas.
Aıta keteıik, Qazaqstan men Do­mı­nıkan arasyndaǵy dıplomatııalyq qarym-qatynas 2011 jyly 7 maýsymda ornatylǵan bolatyn. Domınıkan mınıstri Astanaǵa alǵash ret resmı saparmen kelip otyr.
Ekijaqty saýda-ekonomıkalyq yntymaqtastyq nátıjesinde iri kó­lem­de eksport pen ımport júzege asty. Qa­zaqstan keden organdarynyń máli­meti boıynsha, 2016 jyly saýda aı­na­lymy 890,3 myń dollardy qura­dy. Bul ótken jyldarǵy kórsetkish­terden 1,5 ese kóp. Naqtyraq toqtalar bolsaq, saýda aınalymy 2015 jyly 560,8 myń dollar, 2014 jyly 560,4 myń dollar, 2013 jyly 659,1 myń dol­lar somasyn quraǵan edi.
Ekijaqty qarym-qatynastar tarı­xynda byltyr alǵash ret Qazaq­stannan Domınıkanǵa 211,6 myń dol­lar kóleminde eksport jasaldy. Al oǵan deıin negizinen Domınıkan ımporty ǵana tirkelgen edi.
Domınıkannan Qazaqstanǵa ımporttalatyn taýarlarǵa plastmassalar, medısınalyq qurylǵylar, tabany rezeńkeden daıyndalǵan aıaq kıimder, tabıǵı nemese kom­po­zı­sııalyq bylǵary (jalpy ımporttyń 30%-y), elektr tiz­bek­terin ajyratý, aýystyryp qosý jáne qorǵaýǵa arnal­ǵan elektr apparatýralary (10%) jatady. Al Qazaqstannan Do­mı­­nı­kanǵa fosfınat, fosfonat, fosfat jáne polıfosfat eksporttalady.

Aıan ÁBDÝÁLI,
«Egemen Qazaqstan»