Jastar eki vagonǵa ornalasty. Oblystan bir myń bes júzdeı jas volonter bolǵysy kelip, ótinish bergen edi. Biraq kórmeni uıymdastyrýshylar tarapynan Qostanaı oblysynan 100 adamǵa ǵana suranys túskendikten, jastardy qatań irikteýge týra kelgen.
«Jastardyń resýrs ortalyǵy» uıymynyń qyzmetkerleri volonterlikke negizinen oblys ortalyǵyndaǵy joǵary oqý oryndary men kolledjder stýdentterin iriktedi. Anyǵyraq aıtqanda, negizinen pedagogıka ınstıtýtynyń stýdentteri tańdaldy. EKSPO-ǵa 50 jigit, 50 qyz ketti. Qostanaılyq volonterler Astana men Almatydan, Pavlodardan, Qaraǵandydan barǵan stýdenttermen birge maýsym aıynda qyzmet etedi. Kelesi aılarda olardyń ornyn Qazaqstannyń basqa óńirlerinen barǵan volonterler aýystyratyn bolady.
Sýdentterdiń arasynda buryn da volonterlik qyzmetti atqarǵan jastar bar. Pedagogıka ınstıtýtynyń stýdenti Dıas Shalǵymbaev Almatyda ótken ýnıversıadaǵa volonter bolyp baryp kelgen. «Tájirıbe jınaǵandyqtan, bul joly maǵan kóp nárse tanys bolýy tıis», deıdi Dıas.
Názıra Járimbetova,
«Egemen Qazaqstan»
