Sharada OQO mədenıet basqarmasynyń basshysy Nurbolat Ahmetjanov jəne TÚRSOI uıymynyń arnaıy ókili Elchın Gafarly festıval qatysýshylary men kishkene kórermenderdi Túrki elderine ortaq aıtýly kúnmen quttyqtady.
Saltanatty ashylý rəsimi S. Qojamqulov atyndaǵy Jezqazǵan qazaq mýzykalyq-drama teatrynyń qýyrshaq trýppasynyń qazaq halyq ertegisi jelisinde qurylǵan "Qańbaq shal" qoıylymyna jalǵasty.
"Orteke" Halyqaralyq festıvaliniń maqsaty – kásibı qýyrshaq ónerin kópshilikke tanytý, aımaqaralyq yntymaqtastyq pen kásibı qýyrshaq óneri salasyndaǵy halyqaralyq mádenı baılanysty nyǵaıtý, daryndy ártister men rejısserlerdi anyqtap, yntalandyrý, qýyrshaq óneri akterleriniń kásibı jáne oryndaýshylyq sheberligi deńgeıin arttyrý, otandyq qýyrshaq óneriniń damýyna jaǵdaı jasaý bolyp tabylady.
Festıval aıasynda Túrkistan – Shymkent qalalarynyń turǵyndary men qonaqtary: M. Janǵazıev atyndaǵy Qyrǵyz memlekettik qýyrshaq teatry, Abdolla Shaıg atyndaǵy Ázirbaıjan memlekettik qýyrshaq teatry, Túrkııadan Adana qalalyq mýnısıpaldyq teatry men jáne «Qarakóz» teatrlary, sonymen qatar Aqtóbe oblystyq «Alaqaı» qýyrshaq teatry, Mańǵystaý oblystyq qýyrshaq teatry, Ońtústik Qazaqstan oblystyq qýyrshaq teatry jáne S.Qojamqulov atyndaǵy Jezqazǵan qazaq mýzykalyq drama teatry ujymdarynyń oryndaýynda qazaqstandyq jáne sheteldik avtorlardyń týyndylaryn tamashalaı alady.
Osy oraıda, barlyq spektakl kórsetilimderiniń quramyna rejısser, Astana qalasy Qýyrshaq teatrynyń kórkemdik jetekshisi, QR eńbek sińirgen ártisi Eshmuratova Quralaı Haleketqyzy (Qazaqstan), UNİMA Halyqaralyq qýyrshaq teatrlary odaǵynyń Túrkııadaǵy múshesi, synshy, qýyrshaq teatrlaryn zertteýshi-jazýshy Ozhan Mevlýt (Túrkııa), Reseıdiń eńbek sińirgen ártisi, Orynbor oblystyq qýyrshaq teatrynyń kórkemdik jetekshisi Smırnov Vadım Aleksandrovıch (Reseı), Almaty qalasy Memlekettik qýyrshaq teatrynyń aktrısasy, QR eńbek sińirgen artısi Sabıla Abýeva (Qazaqstan), D. Tanasoglý atyndaǵy Gagaýyz ulttyq teatrynyń dırektory Mıhaıl Konstantınov ( Moldova) tórelik etetin bolady.
Halyqaralyq shara qazylar alqasynyń qatysýymen baspasóz otyrysynan bastaý alǵan bolatyn. Buqaralyq aqparat quraldary ókilderimen kezdesýde festıval maqsaty men talaptar syndy kóptegen saýaldarǵa jaýap berildi.
"Orteke" V Halyqaralyq festıvali 9 maýsymǵa deıin jalǵasady. Jeńimpazdar TÚRKSOI Halyqaralyq uıymynyń arnaıy taǵaıyndaǵan júldelerimen marapattalady.
