Jartylaı fınaldyń qarymta kezdesýi 8 maýsym kúni London qalasynda ótedi. Alǵashqy boks keshi ótken senbide Qostanaı qalasynda uıymdastyrylyp, jerlesterimizdiń 4:1 esebimen basym túsýimen aıaqtalǵan bolatyn.
Londonda myna boksshylar synǵa túsedi:
52 keli: Oljas Sáttibaev – Dın Farell;
60 keli: Zákir Safıýllın – Chad Mılns;
69 keli: Aslanbek Shymbergenov – Kýmar Manodj;
81 keli: Arman Rysbek – Tomas Ýıtakker-Hart;
+91 keli: Nursultan Amanjolov – Patrık Maılata
Boks keshi Astana ýaqytymen 01:00-de bastalady. «Arlandar» jeńiske jeter bolsa, fınalǵa joldama alady. Eger qos komanda eki kezdesýdiń qorytyndysy boıynsha teń nátıje kórsetse, jeńimpazdy qosymsha 52 keli salmaqta synǵa túsetin boksshylar anyqtaıdy.
Bul salmaqta «Astana Arlans» sapynan Anvar Muzaparov shyqsa, brıtandyq komanda Bleın Heılandty qoıyp otyr.
