Jergilikti bıliktiń málimetinshe, tártip saqshylary úshinshi jarylystyń aldyn alyp qalǵan.
Lańkestikti DAISh (Qazaqstanda tyıym salynǵan) uıymy óz moınyna aldy. Aıta keterligi, atalǵan uıym alǵash ret Iranda terrorlyq akt uıymdastyryp otyr.
Terrorlyq áreketterdiń artynsha lańkes uıym osy oqıǵanyń beınejazbasyn ınternette taratqan.
Iran aqparat quraldarynyń málimetinshe, tártip saqshylary parlament ǵımaratyna jasyrynǵan tórt lańkestiń kózin joıdy. Qaza tapqan 12 adamnyń qataryna tórt lańkestiń qosylǵan-qosylmaǵany ázirge belgisiz.
Internettegi beınejazbada kórsetilgendeı, áıel kıimindegi lańkes ǵımarattyń negizgi esiginen kirgen.
Aqparat quraldarynyń málimetinshe, bul terrorlyq akt 1979 jylǵy Irandaǵy Islamdyq revolıýsııadan bergi eń qandy oqıǵalardyń biri retinde tirkelip otyr.
