– EKSPO-2017 mamandandyrylǵan halyqaralyq kórmesi qarsańynda Smart Astana qosymshasyn meılinshe jańartýǵa tyrystyq. Android jáne IOS platformasyn qoldanatyndar úshin qosymsha úsh tilde qol jetimdi. Qala turǵyndary men qonaqtary úshin asa mańyzdy, negizgi 12 kategorııa boıynsha qosymshanyń jańa nusqasyn ázirledik, - dedi Malıka Bekturova.
Qurastyrýshylardyń aıtýynsha SmartAstana qosymshasyn 100 myńǵa jýyq belsendi turǵyn paıdalanady, demek, qoldanýshylar tarapynan qosymshaǵa suranys joǵary ári kóp fýnksıonaldy servıstiń paıdasy mol.
Tanystyrylym barysynda qurastyrýshylar mobıldi qosymshanyń barlyq qyzmetin qalaı paıdalaný kerektigin kórsetti: jyldam júktep alý, qoljetimdi as máziri, qajetti bólimdi tańdaý jáne basqa da qyzmet túrlerin tez paıdalaný múmkindigi. Qurastyrýshylar turǵyndardyń oı-pikirine asa mán berdi.
– Qosymshada jańa bólim paıda boldy, oǵan suranys joǵary bolady dep senemiz. «Belsendi turǵyn» dep atalatyn taraýda qalalyq servısterdiń jumysyna qatysty, qoǵamdyq kólikter syndy ózekti máseleler boıynsha turǵyndar áleýmettik saýalnamalarǵa qatysa alady. Osy aptada taǵy bir jańa taraý paıda bolady, «Vırtýaldy dúken» dep atalatyn bólimde áleýmettik saýalnamalarǵa belsendi at salysqan turǵyndar yntalandyrylatyn bolady.
Barlyq baldar jeke kabınette toptastyrylady, keıin qoldanýshy vırtýaldy dúkende belgili bir taýar kezinde ony paıdalana alady, - deıdi Malıka Bekturova.
Astana Innovations kompanııasy basqarmasynyń tóraǵasy Oljas Sartaevtyń aıtýynsha jańartylǵan nusqany daıyndaýǵa jarty jyl ýaqyt ketken ári Dýbaı men Máskeýdiń tájirıbeleri qoldanyldy. Qosymshanyń jańartylǵan nusqasy 15 mln teńge.
Jańartylǵan nusqanyń múmkindigi keń. Aıtalyq, astanalyqtar «109» qyzmetine ótinimdi «Feısbýk» jáne «Telegram» qosymshalarynyń chat-bottary arqyly jibere alady. Onyń artyqshylyǵy sonda qosymshanyń ornatpaı-aq «Feısbýk» nemese «Telegramm» chat-botyna tirkelseńiz jetkizilkti nemese «Feısbýk» paraqshasyna jazylýyńyz qajet.
Budan bólek, qoldanýshylar jeke kabınet arqyly óz úndeýlerin basqara alady, qaladaǵy jańalyqtar týraly birinshi bilip, túrli saýalnamalarǵa qatysady ári push-habarlandyrýlardy ýaqytynda alý múmkindigine ıe. Jyl sońyna deıin barlyq kategorııalar jańa qyzmet túrlerimen tolyǵady. Sonymen qatar qosymshaǵa «e-KSK», «e-bılet», «smart-medısına» syndy kóptegen qyzmet túrleri de biriktirilmek.
