Kezdesý barysynda taraptar munaı-gaz salasyndaǵy jemisti yntymaqtastyqtaǵy mol tájirıbe jóninde atap ótti. 20 jyl boıyna qytaılyq jáne qazaqstandyq taraptar mıneraldy resýrstardy barlaý men óndirýde, munaı qubyrlary men gaz qubyrlaryn salýda, sondaı-aq munaı óńdeý zaýyttaryn jańǵyrtý, rekonstrýksııalaý men basqarýda tehnıkalyq múmkindikteri men mol tájirıbe jınaqtady.
Taraptar úlesteri bar ken oryndarda ózara tıimdi qatynastardy odan ári damytýda óndirý tıimdiligin arttyrý maqsatynda kórsetilgen kelisimsharttar sheńberindegi yntymaqtastyqty jalǵastyrýǵa nıet bildirdi. Q. Bozymbaev jáne V. Ilın jer qoınaýyn paıdalanýǵa arnalǵan kelisimsharttardyń merzimin uzartý týraly 3 jyl qoldanysta bolatyn memorandýmǵa qol qoıdy.
Memorandýmǵa sáıkes Taraptar Jańajol gaz óńdeý zaýytyndaǵy gaz óńdeý tarıfterin kelisý «Aqtóbemunaıgaz-SNPS» AQ men «Qazmunaıgaz» UK AQ arasyndaǵy jekelegen kelissózder sheńberinde sheshiletindigi jóninde kelisti.
Taraptar Qazaqstan tarapyna gaz-hımııa jobasyn iske asyrý perspektıvti bolyp esepteletindigin rastady jáne QUMK osyndaı jobany iske asyrý jóninde usynys beretindigi jóninde kelisti.
Memorandýmǵa sáıkes, Qazaqstan Respýblıkasy Eńbek Kodeksiniń talaptaryn jáne jer qoınaýyn paıdalanýshylar men merdiger jáne qosalqy merdiger kompanııalar jumyskerleri sııaqty qazaqstandyq personal úshin jumyldyrylǵan sheteldik personalǵa qatysty teń eńbekaqy sharttary saqtalady.
Memorandýmda óńirlerdi damytýǵa áleýmettik jáne ózge aýdarymdar deńgeıi, sondaı-aq jergilikti turǵyndar úshin qosymsha jumys oryndaryn jasaý boıynsha mindettemelerdi kóbeıtý qarastyrylǵan.
