Jıynǵa Ulttyq ekonomıka, Investısııalar jáne damý, Energetıka, Syrtqy ister mınıstrlikteriniń, «KAZAKH INVEST» UK», «Damý» kásipkerlikti damytý qory» AQ, «Qazaqstan memlekettik-jeke áriptestik ortalyǵy» AQ, «Astana» halyqaralyq qarjy ortalyǵy ákimshiligi» AQ ókilderinen turatyn qazaqstandyq delegasııa qatysty. Elimizdiń delegasııasyn Ulttyq ekonomıka mınıstriniń birinshi orynbasary Rýslan Dálenov bastap bardy.
Jıynda saýda, kólik, týrızm, aqparattyq-kommýnıkasııalyq tehnologııalar jáne ınnovasııalar, ınvestısııalar, shaǵyn jáne orta bıznesti damytý, aýyl sharýashylyǵy, ıslamdyq qarjylandyrý salalaryna qatysty ózekti máseleler talqylandy.
Otyrys barysynda sóz sóılegen R.Dálenov shaǵyn jáne orta kásipkerlik, saýda, týrızm salalaryndaǵy malaızııalyq tájirıbe Qazaqstan úshin meılinshe qyzyǵýshylyq týdyratynyn jetkizdi. Sondaı-aq, ol Qazaqstannyń «halal-óndirýshiler» jahandyq tizbegine qosylý perspektıvasy týraly áńgimeleı kelip, Malaızııanyń álemdegi iri halal-ındýstrııa habtarynyń biri retindegi aýqymdy tájirıbesin atap ótti. Sonymen birge, Qazaqstanda týrıstik qyzmetti memlekettik qoldaýdyń anaǵurlym tıimdi sharalary engizilgeni, ol Qazaqstandaǵy basym salalardyń biri retinde belgilenip otyrǵany sóz boldy.
Otyrys sheńberinde birneshe baǵyttaǵy yntymaqtastyq boıynsha jumys tobyn qurý týraly ýaǵdalastyqqa qol jetkizildi. Budan bólek, ekijaqty yntymaqtastyqtyń basym baǵyttary belgilengen hattamaǵa qol qoıyldy.
Sonymen qatar, sapar aıasynda «Qazaqstan Respýblıkasynyń bıznestegi jańa múmkindikteri» taqyrybynda bıznes-forým uıymdastyrylyp, oǵan eki eldiń memlekettik organdary men isker top ókilderi qatysty.
Aıta keteıik, 2016 jyldyń qorytyndysy boıynsha eki el arasyndaǵy taýar aınalymy 82,9 mln AQSh dollary bolypty. Sońǵy 11 jyl ishinde (2005 − 2016 j.j.) Malaızııadan Qazaqstanǵa tartylǵan tikeleı ınvestısııalardyń jalpy kólemi 28,2 mln AQSh dollaryn, al Malaızııa ekonomıkasyna Qazaqstan tarapynan quıylǵan ınvestısııalar 3,0 mln AQSh dollaryn quraǵan.
