Sonyń nátıjesinde myńnan astam jańa jumys orny ashyldy. Qazirgi tańda munda ınvestısııa kólemi 101,5 mlrd.teńgeni quraıtyn 9 joba júzege asyrylýda. Bul jobalar 2 myńnan astam jańa jumys ornyn ashýǵa septigin tıgizbek.
- «Ońtústik» arnaıy ekonomıkalyq aımaǵyna memleketten bólingen ár 1 teńgege 3,4 teńge jeke ınvestısııa tartyldy. Jalpy, aımaqta búgingi tańǵa deıin 18,8 mlrd. teńgege ónim óndirilip, salyq túsimi 1 mlrd. teńgeni qurady. «Ońtústik» arnaıy ekonomıkalyq aımaǵyna ári qaraı ınvestorlardy tartyp, múmkindikterdi tolyq paıdalaný úshin ekonomıkalyq aımaqtyń qyzmet túrin jáne aýmaǵyn qosymsha keńeıtýdi josparlap otyrmyz. Oblys ákimi Janseıit Túımebaev osylaı deıdi.
Aıta keteıik, qazirgi ýaqytta oblys aýmaǵynda jalpy kólemi 699 gektar quraıtyn 9 ındýstrııalyq aımaq jumys isteýde. Odan bólek, qosymsha 2 ındýstrııalyq aımaqta ınfraqurylym qurylysy júrgizilip jatyr.
Baqtııar Taıjan,
«Egemen Qazaqstan».
Ońtústik Qazaqstan oblysy.
