Taý basyna órmelegen tanymal sportshymen kezdesýge elimizdegi alpınızm sheberleri ǵana emes, áýesqoılar da yntyq. Sebebi bireý – Maqsut Jumaev – álemniń segiz myń metrlik barlyq 14 shyńyn baǵyndyrǵan alǵashqy qazaq!
Aıtqandaı, alpınıst jýyrda ǵana oralǵan Karstens pıramıdasynyń bıigine shekken saıahaty men (Puncak Jaya shyńy, Jańa Gvıneıa araly, 4884 m, Muhıt araldarynyń joǵary núktesi, naýryz 2017) «Ústirt qupııasy» (attas ústirt, Batys Qazaqstan, mamyr 2017) saparynyń áserleri týraly áńgimeledi.
Maqsuttyń aıtýynsha, alpınızm beıǵamdyq pen salǵyrttyqty kótermeıdi. «Shyńǵa shyǵyp bara jatqanda, kez kelgen usaq-túıek kedergi keltirip, nátıjesinde qıyn jaǵdaıǵa tap bolýyńyz múmkin. Sol úshin daıyndyq barysynda óte muqııat bolǵan jón. Málimetterdi joldaý jyldamdyǵy joǵary baılanysty tańdap, tómen temperatýraǵa tózimdi yqsham jabdyqty alǵan durys. Eń bastysy – batareıanyń qýat syıymdylyǵy. Mynadaı jaǵdaılar oryn alýy múmkin, sizge qutqarýshylardy shaqyrý nemese dárigerlermen keńesý qajet bolady. Al telefonyńyzdyń qýaty taýsylyp qalǵan jaǵdaıda, senimdi operatordyń qyzmetine júgingen jón», deıdi.
Aınash Esalı,
«Egemen Qazaqstan»
ALMATY
