Kereıt aýylyndaǵy otbasylyq demalys aımaǵy bir mezette myń adamdy qabyldaı alady. Ortalyqta balalar demalys ortalyǵy, basseın, qonaq úı, meıramhana men tapshandar ornalasqan. 35 adam jańa jumyspen qamtylyp otyrǵan ortalyqtyń qurylys jumystaryna 2 mlrd teńge qarjy jumsaǵan.
Demalys ortalyǵynyń ashylýynda aýdan ákiminiń orynbasary M.Janesen men ortalyqtyń dırektory A.Krasnenkov sóz sóılep, aýdan aýmaǵynda týrızm klasterin damytý maqsatynda qurylǵan nysannyń ashylýymen quttyqtady.
Aspanmen amandasqan taý eteginde otyrǵan aýdannyń tabıǵaty kerim. Taýdan qulap aqqan bulaqtar men saf aýa, qońyr kúzge deıin túsin bermeıtin kúreńse bel otbasyńmen kelip demalyp qaıtý úshin naǵyz demlys orny bolady. Alda aptap bastalady. Sondyqtan, munda kelýshilerdiń qarasy kóbeıedi.
Baqtııar Taıjan,
«Egemen Qazaqstan».
Ońtústik Qazaqstan oblysy.
