Turǵyndardyń aldy kóship, páter jaldap ketken. Múmkindikteri joqtary jandaryn shúberekke túıip, ómirlerine alańdap otyr. Ǵımaratty jóndeýge kelgen qurylysshylardan ushti-kúıli habar joq. Sheneýnikter bolsa, jataqhana turǵyndarynyń jańǵyrtý baǵdarlamasyna qatysýyn mindetteıdi.Biraq tilek bildirýshiler joqqa tán. О́ıtkeni, páter ıeleri kúrdeli jóndeý jumystaryn júrgizý úshin jobalaý-smetalyq qujattarǵa engizilgen 20 mıllıon teńgeni tóleýge shamalarymyz kelmeıdi deıdi. Onyń ústine kóbi páterlerdi jaldap turatyn kórinedi.
«Úı 15-20 santımetrge qısaıyp ketken. Sýaǵarlar ornatylmaǵan. Kirpishter dymqyldanyp, qulap jatyr. Basqa da olqylyqtary jeterlik. Tıisti oryndar úıdiń apattyq jaǵdaıda turǵanyn qaperlerine alǵylary kelmeıdi. Sheshim shyǵarylsa, jańa páterler berilýi kerek. Ondaı qadamǵa barǵylary joq», deıdi turǵyndar.
Sheneýnikter bolsa, páter ıeleriniń úıdi talapqa saı kútip ustamaǵanyn alǵa tartady. Bastapqyda jergilikti qazynanyń qarajaty esebinen tegin jóndep berýge keliskenmen, keıin jańǵyrtý baǵdarlamasyna qosylýdy usynǵan. Buǵan turǵyndar tolyq kelisse, kezekten tys qalpyna keltirý jumystary bastalatyn bolady.
О́mir Esqalı,
«Egemen Qazaqstan».
