– Bizde baǵany qalyptastyrý salasyna múmkindiginshe áser etetin birqatar naryqtyq mehanızmder bar. Atap aıtqanda, saýda jelilerine jáne kóterme jetkizýshilerge jeńildikpen nesıe berý boıynsha eki baǵdarlama tabysty jumystar atqarýda. Eger, ekinshi deńgeıli bankter olarǵa 16-18%-ben nesıe berse, al ákimdik nesıeni dál sol bankter arqyly 7-8,5%-ben beredi. Sáıkesinshe, bul taýardyń naqty baǵasyna tutynýshylar úshin oń áser etedi, – dep Astana qalasy ákiminiń orynbasary Malıka Bekturova habarlady.
Budan bólek, M.Bekturova atap ótkendeı, jeńildetilgen nesıelendirý túri kásipkerlerge belgili bir merzim aralyǵynda kelisimshartqa engizilgen taýarlar syn kótermeý mindetin mindetin júkteıdi.
– Biz baǵa múldem kóterilmeıdi dep aıtpaımyz. Biraq, kúrt ósýi men qasaqana ósirý bolmaıtyndyǵyn jetkizgimiz keledi. Sonymen qatar, kóterilý úrdisin basyp jáne baǵanyń saqtalýyn bir dıapazonda ustap, qarjylandyrýdyń osyndaı túrin uzaq merzimge usynyp otyrmyz, – dedi M.Bekturova.
Baǵany ustaý maqsatynda qoldanylatyn ákimdiktiń basqa mehanızmi – azyq-túlik qoryn quryp, olardyń jettkizilýin qamtamasyz etý.
– Biz barlyq múddeli uıymdarmen eseptestik, sonyń ishinde iri saýda jelileriniń basshylarymen de, sodan túıgenimiz – EKSPO ótkizý kezinde ónimderdi ataý reti boıynsha tutyný aıtarlyqtaı 10-nan 50 paıyzǵa ósedi. Sonyń ishinde alkogolsiz sýsyndar. Sondyqtan sáýirdiń basynan-aq ónimniń osy túri boıynsha jáne taǵy basqa qatardaǵy ónimderdi tıeý júrgizilýde, – dep Astana ákiminiń orynbasary jalǵastyrdy.
Sonymen qatar, Bekturova turǵyndar 10-15 paıyz arzan baǵaǵa azyq-túlik satyp ala alatyn aımaqtyq óndirýshilerdiń turaqty jármeńkeleri elordadaǵy baǵa turaqtylyǵyna oń áser etetinin de atap ótti.
– Astanada aýylsharýashylyq ónimderin jetkizýde kidiris pen bógelis joq. Jazǵy maýsym bastaldy, osy aptanyń ózinde jańa maýsymnyń tórt júz tonna ónimi tıeldi. Qazaqstannyń ońtústik oblystary, sonymen birge kórshi elderden de keste boıynsha barlyq tapsyrystar kelip jatyr, – dep habarlady M.Bekturova.
Sondaı-aq, ol azyq-túlik ónimderi baǵasyn elorda basshylyǵy únemi baqylaýda ustap otyrǵanyn aıııy.
– Kúndelikti baqylaý júrgizemiz, eger qandaı da bir taýarǵa jetispeýshilik bolsa, birden qosymsha taýar tıeýdi bastaımyz. Meniń oıymsha, biz baǵanyń kenet ósýin, jasandy tapshylyqty boldyrmaý úshin barlyq tetikti paıdalandyq, – dep qorytyndylady Malıka Bekturova.
