Nursultan Nazarbaev Pákistannyń Premer-Mınıstrimen kezdesý barysynda Shanhaı yntymaqtastyq uıymynyń sammıtine jáne «Astana EKSPO-2017» dúnıe júzilik kórmesiniń ashylýyna kelgeni úshin alǵys aıtty.
– Sizdiń EKSPO-nyń ashylýyna jáne ShYU-nyń erteńgi sammıtine qatysýǵa kelgenińiz úshin rızamyn. Pákistandy uıymǵa múshe retinde qabyldaý úderisi 12 jyl buryn dál osy jerde bastalǵan, erteń aıaqtalady, – dedi Qazaqstan Prezıdenti.
Nursultan Nazarbaev memleketaralyq kooperasııany jolǵa qoıýdyń jáne Qazaqstan men Pákistan arasyndaǵy ekijaqty qatynastardy odan ári damytýdyń mańyzdylyǵyn atap ótti.
N.Sharıf Astananyń kórkeıe túskenine nazar aýdaryp, Nursultan Nazarbaevtyń Qazaqstannyń jańa astanasyn salýdaǵy róline toqtaldy.
– Siz Astananyń qurylysyna qatysty teńdessiz ári tańǵalarlyq jumys atqardyńyz. Men Qazaqstan astanasyndaǵy ózgeristerge qaıran qalyp otyrmyn. Sizdiń kózqarasyńyz ben kóshbasshylyǵyńyz osy qalanyń jáne búkil elińizdiń gúldenýine qol jetkizdi, – dedi Pákistannyń Premer-Mınıstri.
Kezdesý sońynda ekijaqty baılanystardyń ózekti máseleleri talqylandy.
