Onda elimizdiń mereıin ústem etetin, mártebesin arttyryp, abyroıyn asqaqtata túsetin álemdik deńgeıdegi tarıhı is-sharanyń qarsańynda turǵanymyz atap kórsetiledi.
Barshańyzǵa belgili, elimizde 10 maýsymda EKSPO-2017 halyqaralyq kórmesi bastalady. Osyǵan deıin Eýropadaǵy qaýipsizdik jáne yntymaqtastyq uıymynyń sammıtin, Astana ekonomıkalyq forýmyn, Investısııalyq forým, Dúnıejúzilik ıslam ekonomıkalyq forýmyn, taǵy basqa halyqaralyq dárejedegi sharalardy joǵary deńgeıde uıymdastyrǵan memleketimiz EKSPO-2017 kórmesin de abyroımen ótkizedi degen senimdemiz, delingen úndeýde.
Álemniń barlyq memleketterinen mıllıonnan astam adamdy jınaıtyn osy aýqymdy jobanyń elimiz ekonomıkasyna jańa serpin beretini de kóldeneń tartylyp, osy sebepti atalǵan is-sharany ótkizýge qolǵabys kórsetý, el aldyndaǵy azamattyq boryshymyz bolyp tabylatynyna basa nazar aýdarylady. О́ıtkeni, bir jarym ǵasyrdan astam tarıhy bar EKSPO-2017 halyqaralyq kórmesin joǵary deńgeıde uıymdastyrý túrli salada jumys isteıtin adamdarǵa úlken jaýapkershilik júkteıdi.
Elimizdiń tarıhynda altyn áriptermen jazylatyn aıtýly is-shara – halqymyzdyń dini men dástúrin, ádebıeti men mádenıetin, rýhanııaty men tarıhyn tanystyrýdyń, ulttyq qundylyqtarymyzdy kórsetýdiń, Qazaq eliniń jetken jetistigin álemge pash etýdiń mol múmkindigi.
Osy oraıda, Qazaqstan musylmandarynyń dinı basqarmasy barsha otandastarymyzdy shet elden kelgen qonaqtarǵa jyly shyraı tanytyp, olarmen jaqsy mámile ornatýǵa, qyzmet sapasyn arttyryp, san ǵasyrlyq tarıhy bar halqymyzdyń ulttyq rýhanı murasy men ádet-ǵurpyn, sondaı-aq, basty baılyǵymyz sanalǵan elimizdegi dinaralyq kelisim men ultaralyq birligimizdi kórsetýge shaqyrady.
Paıǵambarymyz Muhammed (oǵan Allanyń salaýaty men sálemi bolsyn) óziniń hadıs-sharıfinde: «Bir eldiń basshysy (ókili) kelse oǵan laıyqty qurmet kórsetińder», – degen. Qonaqjaılylyq – qazaqy qasıet. Qazaqtyń qonaqjaılylyq, darhandyq, jomarttyq qasıeti – burynǵy kóshpeli ata-babalardan úzilmeı kele jatqan dástúr.
Alla taǵala el ıgiligi jolyndaǵy bastamalarymyzdy, jaqsylyqqa jumyldyryp, ımandylyqqa uıytatyn izgi is-sharalarymyzdy berekeli etkeı! Jaratýshy Iemiz Táýelsizdigimizdi baıandy, egemen elimizdiń bolashaǵyn jarqyn, halqymyzdyń birligin bekem etkeı. Ámın! – delinedi úndeýde.
«Egemen-aqparat»
