Basqosýda Memlekettik hatshy Elbasynyń «Qazaqstannyń Úshinshi jańǵyrýy: jaHandyq básekege qabilettilik» atty Qazaqstan halqyna Joldaýyna sáıkes ınnovasııalyq qyzmet nátıjeleri óndiriske engizilýge tıis ekenin jáne bul ál-Farabı atyndaǵy ǵylym men tehnıka salasyndaǵy memlekettik syılyqty berýge qoıylatyn talaptardyń biri bolyp tabylatynyn atap ótti.
Memleket basshysy «Bolashaqqa baǵdar: rýhanı jańǵyrý» atty baǵdarlamalyq maqalasynda atap ótkendeı, biz ashyq bolyp, eń ozyq jetistikterdi boıǵa sińire bilýimiz qajet.
Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy memlekettik syılyǵy – ǵylym men tehnıka qaıratkerleriniń qoǵam men memleket aldyndaǵy eńbeginiń joǵary deńgeıde moıyndalýynyń belgisi.
Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy 2017 jylǵy memlekettik syılyǵyna úmitkerlerden 24 jumys kelip tústi. Seksııalardyń usynymdary men memlekettik ǵylymı-tehnıkalyq saraptama qorytyndylary qaraldy.
Komıssııa otyrysynyń qorytyndysy boıynsha Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy memlekettik syılyǵyn alýǵa usynylǵan jumystardyń aldyn ala irikteýden ótken tizbesi bekitildi. Bul tizbe qoǵamda keńinen talqylaý úshin «Egemen Qazaqstan» men «Kazahstanskaıa pravda» gazetterinde jarııalanady.
Seksııalar jetekshilerine ekinshi kezeńde komıssııa otyrysynda aıtylǵan usynystardy, buqaralyq aqparat quraldaryndaǵy talqylaýlardy eskere otyryp, aldyn ala irikteýden ótken jumystardy qaraý tapsyryldy.
Ál-Farabı atyndaǵy ǵylym men tehnıka salasyndaǵy 2017 jylǵy memlekettik syılyqtyń aqshalaı mólsheri – 18,6 mıllıon teńge.
