Suhbat basynda ákim oblystyń áleýmettik-ekonomıkalyq damýy boıynsha baıandama jasap, aýyl sharýashylyǵy, áleýmettik sala, kásipkerlik, turǵyn úı-kommýnaldy sharýashylyǵy, bilim berý, densaýlyq saqtaý syndy negizgi salalar sheńberinde jeke-jeke toqtaldy.
«Oblysta bıyl alǵash ret jibek sharýashylyǵy qolǵa alyndy. О́ńirge baǵyttalǵan ınvestısııa kólemi 1,6 esege artty. Elbasy Joldaýynda atap aıtylǵandaı aýyl sharýashylyǵyn ekonomıkanyń draıverine aınaldyrý jumystary qarqyndy túrde júrgizilýde. Qazirge 50 myń otbasyny biriktirgen 468 aýl sharýashylyǵy kooperatıvteri quryldy. Tasqyn sýdyń aldyn-alý ári egistik alqaptardy sýlandyrý maqsatynda ózenderdiń boıynan 16 sý qoımasyn júrgizý josparlanýda. Oǵan 9,3 mldr. teńge qaralyp, nátıjesinde 17 myń alqap sýlandyrý kózdelýde. Bıyl eldi mekenderdi gazdandyrý jine elektr energııasymen qamtý jóninde aýqymdy jumystar atqarylatyn bolady», - dedi ákim.
Bas-aıaǵy 1,5 saǵatqa sozylǵan júzdesýde arnaıy mamandardan quralǵan «Call-ortalyqta» telefon, elektrondy poshta, whatsapp jelisi jáne Ońtústik Qazaqstan oblystyq ákimdiginiń feısbýktegi resmı paraqshasy arqyly saýaldar kelip, oblys jurtshylyǵy ózderin tolǵandyrǵan saýaldaryna jaýap aldy.
Tikeleı efır kezinde, saýaldardyń basym bóligi whatsapp jelisi arqyly kelip, ondaǵy negizgi suraqtar aýyl sharýashylyǵy, jumyspen qamtý, kásipkerlik, kommýnaldy sharýashylyq, bilim, densaýlyq saqtaý, týrızmdi damytý syndy mańyzdy salalarǵa qatysty boldy.
Suraq joldaýshylardyń arasynda respýblıkamyzdyń ózge oblystarynan, habarlasqan kórermender aımaq basshysymen tikeleı beınesuraq arqyly dıdarlasyp, tolǵandyrǵan máselesiniń jaýabyn alyp, usynystaryn joldaı aldy. Máselen, Ońtústik Qazaqstan oblysynyń týmasy, búginde elimizdiń Aqtaý qalasynda turyp jatqan A.Jaıylǵanova ishki týrızmdi damytý jaıyna alańdap, ózge oblystar turǵyndaryn Ońtústikke jıi keltirý máselesin kóterse, kezinde kúngeıden teriskeıge kóship baryp, dál qazirgi tańda onda egin sharýashylyǵymen aınalysyp, paıdanyń kózin taýyp júrgen S.Myrzahmetov Ońtústik turǵyndaryn Soltústikke kóshirý máselesine ákimniń ózi atsalysýyn ótindi. Jalpy, bul kúni aımaq basshysymen bolǵan tikeleı efırge óńir turǵyndarynan jalpy sany 600-den astam suraq joldandy. Sanaýly ýaqyt ishinde kelip túsken suraqtarǵa meılinshe jaýap bergen J.Túımebaev turǵyndardyń máselesin der kezinde sheshýge atsalysatynyn jetkizdi.
Aıta ketý qajet, ákimmen suhbat barysynda jaýap berilip úlgerilmegen saýaldardyń jaýaby aldaǵy ýaqytta oblys ákiminiń resmı saıtynda jarııalanatyn bolady.
