«Qazaqstan Respýblıkasynyń áýe keńistigin paıdalaný jáne avıasııa qyzmeti» týraly QR Zańyna jáne QR Úkimetiniń 2011 jylǵy 12 mamyryndaǵy «Qazaqstan Respýblıkasynyń áýe keńistigin paıdalaný erejelerin bekitý týraly» №506 qaýlysyna saı áýe keńistigine drondardy ushyrýǵa shekteý qoıylyp otyr.
Eger ruqsat etilmegen faktiler anyqtalatyn bolsa QR áýe keńistigin paıdalaný erejesine saı tıisti tergep-tekserý jumystary júrgiziledi.
Quqyq buzǵandar ákimshilik jazaǵa tartylady. Jeke tulǵalar úshin 10 AEK boıynsha 22. 690 teńge, laýazymdy tulǵalarǵa 20 AEK boıynsha, ıaǵnı 45.380 teńge kóleminde aıyppul salynady.
Elordalyq tártip saqshylary kórme aýmaǵynyń áýe keńistiginde, ıaǵnı shekteý qoıylǵan aýmaqta ushqyshsyz ushatyn apparatardy ruqsatsyz qoldanbaq bolǵan 4 faktiniń aldyn aldy. Atalǵan faktiler boıynsha ákimshilik materıal ázirlenip, quzyrly organdardyń qaraýyna jiberildi.
Mamandar qala turǵyndary men qonaqtarynan, BAQ ókilderi men blogerlerden QR ushqyshsyz ushatyn apparattardy qoldaný týraly zańnama talaptarynyń buzylýyna jol bermeýlerin shaqyrýda.
