Komıtet tóraǵasy Sergeı Plotnıkov Senatta «Qazaqstan Respýblıkasyndaǵy bıologııalyq áralýandyqty saqtaýdy zańnamalyq qamtamasyz etýdiń ózekti máseleleri» taqyryby boıynsha parlamenttik tyńdaý ótkeni, ósimdikter men janýarlar dúnıesi máseleleri boıynsha zańnamaǵa túzetýler qabyldanǵany týraly habardar etti. Bul zańǵa sáıkes, 2019 jylǵy 1 qańtardan bastap orman sharýashylyǵy men erekshe qorǵalatyn tabıǵı aýmaqtar qyzmetkerleriniń eńbekaqylary 25 paıyzǵa kóteriletin bolady.
Senatorlar «jasyl» ekonomıkaǵa kóshý jaǵdaıynda elimizdiń tabıǵı baılyqtarynyń mańyzdy bóligi retinde ósimdikter men janýarlar dúnıesin basqarý salasynda tıimdi saıasat qalyptastyrý qajettigi týyndady, dep sanaıdy. Ekonomıkanyń basym salalaryn damytý turǵysynda ekonomıkalyq, áleýmettik jáne ekologııalyq qundylyqtardy eskere otyryp, halyqaralyq tájirıbe negizinde olardy basqarýdyń tyń tásilderin qarastyrý qajet.
Shara barysynda parlamenttik tyńdaý usynymdaryn iske asyrý, bıologııalyq alýandyqty saqtaý, orman ónerkásibin, aımaqtaǵy ańshylyq sharýashylyqtaryn damytý máseleleri talqylandy.
Senatorlar sapar barysynda «Shyǵys-Sút» JShS nysandarynda boldy. Bul óndiris orny ónerkásiptiń óńdeý salalaryn ınnovasııalyq damytýdyń memlekettik baǵdarlamasy aıasynda jumys isteıdi.
