Dánesh esimi el esinde

Jetisýdyń jazıraly mekeni – Jarkent jerinen shyqqan elimizge tanymal tulǵalar jetkilikti. Solardyń biri – dástúrli oryn­daýshylyq sheberligimen kúmis­kómeı ánshi atanǵan Qazaq­stan­nyń halyq ártisi Dánesh Raqy­shev. Án áleminde ózindik orny bar ánshi sońyna óshpes mura qaldyrǵan. Sondyqtanda «Án kógindegi sónbes kún» taqyry­bynda Dánesh Raqyshevty eske alý keshine alys-jaqynnan óner­degi tanymal tulǵalar jınaldy. Qazaq óneriniń qazynasyna mol mura qaldyrǵan ánshi jaıly Panfılov aýdanynyń ákimi Ermek Kelemseıit mazmundy baıandama jasady. Keshte ánshiniń 85 jasqa tolýy qurmetine uıymdas­ty­rylǵan «Án salsań, Dáneshteı sal» baıqaýynyń qorytyndysy shyǵarylyp, bas júldeni Taldy aýylynyń ánshisi Erik Núsip­bekov ıelendi. Sondaı-aq, sport túr­lerinen ótkizilgen jarys­tardaǵy tabystary úshin «Dáýlet Jarkent» sport klýbynyń ujy­my birinshi, ardagerler koman­dasy ekinshi, kóktaldyq fýtbol­shy­lar úshinshi oryndy jeńip aldy. Ánshige arnalǵan arnaý jyr­lar da az bolmady. Halyq­aralyq Alash syılyǵynyń ıegeri, aqyn Orazaqyn Asqar, taǵy basqalar­dyń tereń tolǵanystary ánshi árýaǵyn asqaqtatty. Kúmisjan BAIJAN. Almaty oblysy.