«EKSPO-2017» kórmesi aıasynda Astanada 11-19 maýsym aralyǵynda ótetin mádenı sharaǵa quramynda estrada maıtalmandary, qolónershiler, túrli shyǵarmashylyq ujymdar bar 400-den astam adam qatysady. О́ner básekesi alǵashqy kúni «Mahababbatpen, Almatydan!» degen atpen «Qazaqstan» Ortalyq Konsert Zalynda shymyldyǵyn túredi. Sharada elimizge tanymal estrada juldyzdary Roza Rymbaeva, Qaırat Nurtas, Mádına Arappaeva, Mádına Sádýaqasova, Aıqyn Tólepbergen, Lýına, sonymen qatar, «Dos-Muqasan», «Renzo», «Aıýmı», «Keshıý», «Jigitter» toptary, «Saryn» dýeti, «Saltanat» ansambli, «Bala daýysy» balalar baıqaýynyń jeńimpazdary óner kórsetpek.
Almatynyń memlekettik qýyrshaq teatry Q. Qýanyshbaev atyndaǵy mýzykalyq-drama teatrynda kúnine eki ret «Qulynshaq pen Bóltirik», «Veselye medvejata» atty úzdik spektaklderin qazaq jáne orys tilderinde usynady. «Atalǵan qoıylym jańashyldyǵymen, sanqyrlylyǵymen kórmeniń kishkentaı kórermenderin baýrap alady» deıdi teatr ujymy.
Astananyń «Jastar» teatrynda Almatydaǵy «Alataý» dástúrli óner teatrynyń «Asqaqtaı ber, qazaqtyń sazdy áýeni» atty mýzykalyq keshi kórermenge jol tartyp, «jan bitkendi jadyratar» ásem sazdy áýender sıqyrly sazymen kóptiń kózaıymyna aınalmaq.
«Etno-aýyl Almaty» kórmesinde úzdik qolónershiler men sýretshiler óz týyndylaryn usynyp, sheberlik synyptaryn ótkizedi. Shet elderden kelgen meımandar qolóner sheberleriniń qolynan shyqqan, tanym-tarıhymyzdan syr shertetin túrli buıymdar arqyly ulttyq erekshelikterimizdi tanı alady. «Sazgen sazy» folklorlyq-etnografııalyq ansambli arnaıy konserttik baǵdarlama usynady. Sondaı-aq Halyqaralyq «Astana EKSPO – 2017» kórmesiniń amfıteatrynda mádenı kúnderdiń «Asqar taýly Almaty!» atty qorytyndy konserti ótedi. Bul baǵdarlamada Asylbek Eńsepov, Ramazan Stamǵazıev, Erbolat Shaldybekov, Edil Qusaınov, Beıbit Mýsaev, Ǵazıza Gabdahımova, Sholpan Darjanova, Sáýle Jumabaı, Azamat Asqarov, sondaı-aq, «Ulytaý», «Art Dala», «Alashuly» toptary, «Jetigen», «Sazgen sazy», «Saltanat» ansamblderi, N. Ashırovtyń dombyrashylary, «Arlan» teatry jáne basqa da ónerpazdar óz ónerlerin ortaǵa salady.
– Atalǵan kórmege daıyndyq qarqyndy júrdi. Halyq ánderi men halyq kompozıtorlarynyń týyndylaryn, saf altyn muralarymyzdy álemge áıgilesek degen nıetimiz bar. Ataqty Birjan saldyń «On saýsaq», «Aıtbaı» syndy aıtýly ánderi, Aqan Seriniń tamasha týyndylary, Kenen Ázirbaevtyń «Jasa Qazaqstan» deıtin rýhty áninen bastap keıingi kompazıtorlarymyzdyń irikteýden ótken tamasha ánderi konserttik is-sharalar barysynda qazaqy rýhymyzdy bir aspandatyp tastaıdy dep senemiz. Dombyranyń tańǵajaıyp qońyr úni elimizge kelgenderdi eriksiz baýrap, qazaq degen halyqtyń ómiri óleńmen órilgenin, mádenıet pen jasampazdyqqa ejelden-aq ińkár halyq ekenin dáleldeıdi – deıdi Qazaqstannyń eńbek sińirgen ártisi Ramazan Stamǵazıev.
Úsh aı boıy kórme qonaqtaryn án men kúıge sýsyndatatyn irgeli óner ujymdarynyń sapynda Almatydaǵy Jambyl atyndaǵy Qazaq memlekettik fılarmonııanyń ujymy da bar. Bir kezderi Ahmet Jubanov sııaqty qazaq óneriniń qaımaqtary irgetasyn qalaǵan óner oshaǵynyń atynan álemge belgili QR memlekettik akademııalyq sımfonııalyq orkestri, Nurǵısa Tilendıev atyndaǵy akademııalyq folklorlyq-etnografııalyq «Otyrar sazy» orkestri, Baqytjan Baıqadamov atyndaǵy Azııadaǵy tuńǵysh Memlekettik hor kapellasy, QR memlekettik úrmeli aspaptar orkestri, sondaı-aq, Ǵazıza Jubanova atyndaǵy memlekettik shekti aspaptar kvarteti, memlekettik qaraǵaıly-úrmeli aspaptar kvınteti óz káde syılarymen jetti.
– Elorda tórine ár ujym tııanaqty daıyndyqpen keldi. Árbir orkestr bizdiń qazaq mýzykasyn, qazaq kompazıtorlarynyń týyndylaryn klassıkalyq deńgeıde jurtshylyqqa tartý etpek. Sol arqyly mádenıetimizdiń tereńde jatqanyn, Túrkilerden qalǵan asyl synyq ekenimizdi jaqsylap kórsetýimiz qajet. Biz syrttan kelgen qonaqtardy tańǵaldyrsaq, tek qaıtalanbaıtyn tól shyǵarmalarymyz arqyly tańǵaldyramyz. «Birjan Sara», «Qyz Jibek» operalarynan úzindiler qoıylady. О́nerpazdarymyzdyń quramynda Nurǵalı Núsipjanov, Maqpal Toqtaǵanova, Birjan Báziljan syndy elge tanymal talantty azamattarymyzben qatar Rasýl Jarmaǵambetov, Nursultan Shatyrhan, Farhat Kýbeev syndy halyqaralyq konkýrstardyń laýreattary bar. El namysy synǵa túsetin shaqta bar erik-jigerimizdi salyp, qál-qadirimizdiń jetkeninshe ónerimizdi ortaǵa salatyn bolamyz – deıdi Jambyl atyndaǵy Qazaq memlekettik fılarmonııasynyń dırektory Jeńis Seıdýllaev.
Arman OKTIаBR,
«Egemen Qazaqstan»
ALMATY
