Oblystyq aýmaqtyq orman sharýashylyǵy jáne janýarlar dúnıesi ınspeksııasy basshysynyń mindetin atqarýshy Marat Abdrahmannyń aıtýynsha, sý aıdyndaryna eki aı boıy tekserý júrgizilgen. Aıdyn betin tazalaý jumystary bekire balyqtardyń ýyldyryq shashatyn jerlerine jetýine múmkindik berdi.
«Kóktemgi kezeńde eki bekire tuqymdas balyq ósirý zaýyty sý marjandarynyń 196 óndirýshisin daıyndady. Bul málimet aksııanyń negizgi maqsatyn iske asyrýǵa baǵyttalǵan jumystyń oń nátıje berip otyrǵanyn sıpattaıdy», - deıdi Marat Ǵınaıatuly.
Bir atap óterligi, mańyzdy naýqanǵa qatysty sheshimin tappaǵan problemalar áli de bar. Mysaly, ınspeksııa qyzmetkerleri radıobaılanys quraldarymen jabdyqtalmaǵan.
Sondaı-aq, utqyr reıdtik toptardy júrdek tehnıkamen qamtý, janar-jaǵarmaı jetkizý de ózekti.
«Sharalardy is júzinde júzege asyrý azyq-túlik qaýipsizdiginiń, halyqtyń tabys tabý jáne jumyspen qamtý kózi retinde áleýmettik máselelerdi sheshýdiń mańyzy faktory retinde balyq sharýashylyǵyn odan ári damytýǵa múmkindik beredi. 1 sáýir men 31 mamyr aralyǵynda tabıǵat qorǵaý jáne quqyq qorǵaý organdary qyzmetkerleri 1024 tabıǵat qorǵaý zańnamasyn, onyń ishinde 217 óreskel sıpatta anyqtady. Keme júrisi rejımin buzý úshin 30 ákimshilik hattama toltyryldy. Atyraý oblysynyń ýákiletti jáne quqyq qorǵaý organdary 721, Mańǵystaý - 136 jáne Batys Qazaqstan – 167 buzýshylyq anyqtady», - deıdi M.Abdrahman.
Naýqan kezinde 64 tonna 350 kg balyq, onyń ishinde 3 tonna 126,3 kg bekire tuqymdas balyq jáne 11 kg bekire tuqymdas balyqtar ýyldyryǵy tirkilendi. Zańsyz aınalymnan 5134 dana aýlaý quraly, sonyń ishinde ıesiz, 118 júzý quraly jáne 42 birlik avtomotokólik quraly alyndy.
Baqytgúl BABASh,
«Egemen Qazaqstan»
ATYRAÝ.
