Kezdesý barysynda taraptar saýda, ekonomıka, ınvestısııalar, ınnovasııalardy qoldaý, ınfraqurylymdy damytý, vedomstvoaralyq jáne iskerlik baılanystardy jandandyrý salalaryndaǵy yntymaqtastyq perspektıvalaryn, sondaı-aq Lıýksembýrg Uly Gersogtiginiń EKSPO-2017 kórmesine qatysýyn talqylady.
Budan ózge, aeroǵarysh salasynda, atap aıtqanda ǵarysh keńistigine ǵylymı zertteý júrgizý, ǵarysh apparattaryn jasaý jáne paıdalaný, jerseriktik baılanys jáne navıgasııa aıasynda ekijaqty baılanysty nyǵaıtý máseleleri qaraldy.
Aıta keteıik, Lıýksembýrg Halyqaralyq kórmeler bıýrosynyń múshesi emes. Alaıda 2017 jylǵy 10 aqpanda Lıýksembýrgtiń Premer-Mınıstri K. Betteldiń tapsyrmasymen, «Astana EKSPO-2017» kórmesiniń ákimshiligine Lıýksembýrgti qatysýshy retinde tirkeý ótinishimen hat joldandy.
Lıýksembýrg Uly Gersogtiginiń kórmedegi Ulttyq kúni 2017 jylǵy 11 maýsymda ótedi.
10 maýsymda Lıýksembýrg Uly Gersogtiginiń Premer-Mınıstri Ksave Betteldiń Qazaqstanǵa jumys sapary aıasynda Astanada bul eldiń Qurmetti konsýldyǵyn ashý josparlanǵan.
