Búginde respýblıka kóleminde 2 mıllıonǵa jýyq adam kásipodaq uıymdarynda tirkelse, Shyǵys Qazaqstan oblysynda 2073 bastaýysh kásipodaq uıymynda 157027 adam múshelikke ótken. Merekelik sharada baıandama jasaǵan oblystyq kásipodaqtar ortalyǵy dırektorynyń mindetin atqarýshy Aıjan Sadyqova óńirdegi salalyq birlestikterdiń nátıjeli jumys atqaryp kele jatqanyn atap ótti.
«Máselen, bilim men ǵylym qyzmetkerleriniń oblystyq kásipodaq uıymy jastardyń forýmyn uıymdastyryp, nátıjesinde joǵary oqý ornynyń 100 túlegi jumysqa ornalasyp, 50 stýdent óndiristik tájirıbege jiberildi. Orman sharýashylyǵy men janýarlar álemi qyzmetkerleriniń kásipodaqtar uıymy óz eńbekkerlerin byltyr «Úzdik jas jumysshy», bıyl «Úzdik orman sharýashylyǵy» atalymdary boıynsha marapattady. Bul kásipodaq uıymy jaz maýsymynda mektep oqýshylaryna ormanshylyq kásiptiń qyr-syrlaryn úıretedi, ǵylymı jobalarǵa qatystyrady. Buǵan mysal retinde Katonqaraǵaı aýdanynyń oqýshylarynyń Reseıde ótken halyqaralyq ormanshylar baıqaýyna qatysyp, júldeli orynnan kóringenin aıtýǵa bolady», - dedi.
Aıjan Sadyqova qazirgi ýaqytta óńirdegi kásipodaq uıymdarynyń ashyqtyǵyn, qoljetimdiligin qamtamasyz etý úshin respýblıkada alǵash bolyp biryńǵaı aqparattyq baza qurýmen aınalysyp jatqandyqtaryn jetkizdi. Sonymen qatar oblystaǵy kásiporyndar men uıymdarmen jasalatyn ujymdyq kelisimsharttardyń sapasyn jaqsartýdy, qyzmetkerlerge jasalatyn jeńildikter sanyn kóbeıtýdi de josparlap otyrǵandyqtaryn aıtty.
Merekelik sharaǵa oblys ákiminiń birinshi orynbasary Nurymbet Saqtaǵanov ta qatysyp, óńirdegi kásipodaq uıymynyń birqatar qyzmetkerlerin oblys ákiminiń alǵys hatymen jáne Qazaqstan Respýblıkasy kásipodaqtar federasııasynyń «Kásipodaqtarǵa sińirgen eńbegi úshin» tósbelgisimen marapattady.
Azamat QASYM,
«Egemen Qazaqstan»
О́SKEMEN
Sýretti túsirgen Nasıhat О́rkeshbaeva
