Atalmysh Qordyń mundaı qadamǵa Almaty qalasy boıynsha qoldanystaǵy «Almaty-О́nim, «Almaty-Innovasııa», «Jibek joly» jáne «Almaty-týrızm» sekildi baǵdarlamalardy jurtshylyqqa keńinen nasıhattaý úshin baryp otyr.
Sonymen Qordyń Ashyq esik kúnine 150 shaqty adam kelip, 400-ge tarta keńes berildi. Kezdesýge bank ókilderi de shaqyrylǵan. Olar kásipkerlerge bıznes úshin nesıe alý talaptaryn túsindirdi. Sondaı-aq, keńes berýshiler qatarynda Halyqqa qyzmet kórsetý ortalyqtary (HQKO), prokýratýra, Almaty qalasy memlekettik kirister basqarmasynyń ókilderi men ákimshilik qyzmetkerleri de bar. Kelýshilerdi negizinen franshıza satyp alý, aımaqtyq bıznesti qarjylandyrý baǵdarlamalary, jańadan is bastaý – startap jobalardy qarjylandyrý, JK men JShS tirkeý, nesıege kepildeme berýdi qarastyrý merzimi men nesıe paıyzyn sýbsıdııalaý tártipteri sekildi suraqtar qyzyqtyrdy. Ashyq esik kúni aıasynda aýlada «Damý» Qorynyń qoldaýyn alǵan otandyq óndirýshilerdiń kórme-jármeńkesi de ótti.
2012 jyldan bastap 2017 jyldyń maýsym aıy arasynda Almaty qalasyndaǵy Kásipkerlerge qyzmet kórsetý ortalyǵynda shamamen 24 848 myń qyzmet kórsetilip, 19213 adam keńes alǵan. Al 2017 jyldyń alǵashqy 5 aıynda 2 Kásipkerlerge qyzmet kórsetý ortalyǵy men Jyljymaly túrde kásipkerlerge qyzmet kórsetý oryndary 3 myńnan astam qyzmet túrin kórsetken.
Aınash ESALI,
«Egemen Qazaqstan».
ALMATY
