Alǵashqy reıspen Venger Respýblıkasynyń ulttyq ekonomıka mınıstri Mıhaı Varga bastaǵan delegasııa ushyp keledi.
Mamandandyrylǵan halyqaralyq EKSPO-2017 kórmesi qarsańynda ashylyp otyrǵan jańa baǵyt aıtýly oqıǵa bolyp otyr. Bul Qazaqstan men Vengrııa arasyndaǵy dıplomatııalyq jáne bıznes qarym-qatynasty, halyqaralyq yntymaqtastyqty nyǵaıtýǵa yqpal etetin bolady.
О́tken jyldyń 24 qarashasyndaǵy avıasııalyq bıliktiń kelissózderiniń qorytyndysynda Astana – Býdapesht baǵyty boıynsha eki el úshin aptasyna 7 reıs jasaý quqyǵy berilgen bolatyn.
«WizzAir» áýe kompanııasynyń aqparaty boıynsha, Astanadan Býdapeshtke deıingi eń tómengi bılet quny tek bir jaqqa tirkeý qyzmeti men júkti qosqanda 49-dan 130 eýroǵa deıingi somany quraıdy. Budan bólek, loýkostermen áýe tasymaly erejesi boıynsha basqa da qyzmetter úshin qosymsha aqy tóleý qarastyrylǵan (tirkeý, júk, tamaqtaný, oryndy tegin tańdaý jáne t.b.).
