Q. Toqaev energııa jınaqtaý men energııanyń balama kózderin paıdalaný salasyndaǵy álemdik úzdik jetistikter kórsetiletin «EKSPO-2017» halyqaralyq kórmesine Serbııanyń qatysqany úshin A. Výchıchke rızashylyǵyn bildirdi. «Kórmeniń «Bolashaqtyń energııasy» taqyryby serbtiń uly ónertapqyshy Nıkola Teslanyń ıdeıalarynyń jalǵasy, onyń jumystary qazirgi zamandaǵy tehnologııalardy damytýǵa zor úles qosty», - dedi Tóraǵa.
Q. Toqaev atap ótkendeı, Qazaqstan Serbııamen barlyq salalardaǵy ózara is-qımyldy damytýǵa múddeli bolyp otyr. Prezıdent N. Nazarbaevtyń 2016 jylǵy tamyzda Belgradqa resmı sapary ekijaqty yntymaqtastyqty tereńdetýge eleýli serpin berdi.
Eki eldiń zań shyǵarý organdary baılanystarynyń erekshe mańyzy bar. «Qazaqstan Parlamenti Serbııa Halyq Skýpshınasymen tyǵyz yntymaqtastyqty damytýǵa múddeli. Parlamenttik delegasııalardyń saparlary bizdiń saıası dıalogty keńeıtýge ǵana emes, ózara is-qımyldyń barlyq salalary boıynsha ekijaqty yntymaqtastyqty ilgeriletýge múmkindik beredi», - dedi Senat Tóraǵasy.
Q. Toqaev saýda-ekonomıkalyq baılanystardy keńeıtý múmkindikterine de toqtaldy. Onyń pikirinshe, aýyl sharýashylyǵy, qurylys, metallýrgııa, mashına jasaý, farmasevtıka men týrızm salalary yntymaqtastyqtyń keleshegi zor. Eýropa men Azııany baılanystyratyn Qazaqstan aýmaǵyndaǵy aýqymdy jobalardy iske asyrý aıasynda kólik-tasymal salasy da yqylas týǵyzady.
K.Výchıch óz kezeginde Belgrad Qazaqstandy óziniń aımaqtaǵy asa mańyzdy áriptesi dep sanaıtynyn, al serbtiń iskerler qaýymy saýda-ekonomıkalyq qatynastaryn ulǵaıtýǵa múddeli ekenin atap ótti. Serbııa Prezıdenti ekijaqty baılanystardy parlamentaralyq yntymaqtastyq turǵysynda keńeıtýdi qoldaıtynyn aıtty.
Áńgime barysynda gýmanıtarlyq baılanystardy, mádenıet, óner jáne sport salasyndaǵy yntymaqtastyqty damytýdyń keleshegi de talqylandy.
Q.Toqaev kezdesýdi qorytyndylaı kelip, Serbııa Prezıdentiniń Astanaǵa sapary eki memlekettiń órkendeýi jolynda kóptarapty yntymaqtastyqty jańa mazmunmen tolyqtyrýǵa múmkindik beretinine senim bildirdi.
