Oǵan «Meıirim» degen ataý berilgen. Munda árqaısysynyń kólemi 43 sharshy metr quraıtyn 80 páter bar. Onyń bári jetimder úıinen shyqqan 18-29 jas aralyǵyndaǵy jastarǵa arnalǵan.
Bes ǵımarattan turatyn ortalyq qurylysyna erli-zaıypty kásipkerler Keńes Raqyshev pen Ásel Tasmaǵambetovalar 1,5 mıllıard tenge qarajat jumsady. Ortalyqta turatyndar munda naryqtyq suranystarǵa ıe tıisti mamandyqtar alyp shyǵady. Solardyń biri «Jaısań» balalar úıiniń túlegi Dınara Ulyqpanova «Egemen.kz» tilshisine óz oıyn bylaısha bildirdi.
«Budan bes jyl buryn aýyl sharýashylyǵy kolledjin bitirdim. Qazir ken ornynda daıashy bolyp istep júrmin. Buǵan deıin páter jaldap júrgen edim. Oratylqtan ózime laıyqty baspana berildi. Ony turǵyzýǵa qarajat bólgen qaıyrymy mol jandarǵa alǵysym sheksiz».
Joba ıeleri Keńes Raqyshev jáne «Sábı» qorynyń Prezıdenti Ásel Tasmaǵambetova ortalyq ashýmen shektelip qalmaı, qaıyrymdylyq baǵytyndaǵy jobalardy ári qaraı jalǵastyra beretinderin málimdep otyr.
Kelesi kezekte olar daryndy jastarǵa granttar berý isin qolǵa alypty.
Temir Qusaıyn,
"Egemen Qazaqstan"
AQTО́BE
