«Búgingi kúni Astanada alty modýldi dárethana ornatyldy: «Araı», «Ǵashyqtar» saıabaqtary, tennıs alańynyń aýmaǵy, ortalyq saıabaq, «Kórme» ortalyǵy men "EKSPO-2017" kórmesiniń aýmaǵyna jaqyn Uly dala dańǵyly», dedi habarlady "CLC Company" JShS merdiger mekemeniń dırektory Evgenıı Chırev.
Jańa qoǵamdyq dárethanalar shaǵyn ári zamanaýı kelbette, al eń bastysy - ekologııalyq standarttarǵa saı. Qondyrǵy eki shaǵyn kabınadan turady. Múmkindigi shekteýli jandarǵa arnalǵan arnaıy pandýstar ornatylǵan, suıyq sabyn men qaǵaz oramaldarǵa arnalǵan dıspenserler de bar.
Qoǵamdyq dárethanalar kelýshiler úshi tegin, dep sendirdi Elorda ákimdigi.
«О́ndirýshi el – Reseı. Mundaı úlgidegi qondyrǵylar Máskeý, Sankt-Peterbýrg syndy Reseıdiń birneshe qalalarynda burynnan qoldanylady. Syrtqy kelbeti men qurylǵysy qarapaıym bolǵanymen qolaıly ári berik», dedi merdiger mekemeniń ókili.
Atalǵan úlgidegi qondyrǵylardyń ereksheligi - olardy jyl boıy qoldanýǵa berýge bolady ári Astana qalasynyń klımattyq jaǵdaıyna beıimdelgen. Dárethana kabınalary saǵat saıyn tazartylady.
