– Táýelsizdigimizdiń alǵashqy kúnderinen bastap Ispanııa biz úshin jaqyn el boldy. Uly tarıhy men mádenıeti qalyptasqan Ispanııamen dostyq qarym-qatynasta bolǵanymyzdy maqtan tutamyz. Osy yntymaqtastyqtyń negizi I Korol Hýan Karlostyń tusynda qalandy.
Nursultan Nazarbaev Ispanııa Koroline Qazaqstan táýelsizdiginiń alǵashqy jyldaryndaǵy jan-jaqty qoldaýy, sondaı-aq halyqaralyq arenadaǵy nıettestigi úshin alǵys aıtty.
– Sizder Eýropadaǵy qaýipsizdik jáne yntymaqtastyq uıymynda tóraǵa bolýymyzǵa, sonymen qatar BUU Qaýipsizdik Keńesiniń turaqty emes músheligine saılanýymyzǵa qoldaý bildirdińizder. Biz yntymaqtastyǵymyzdy odan ári jalǵastyrýǵa daıynbyz, – dedi Memleket basshysy.
Ispanııa Koroli Qazaqstan Prezıdentine qonaqjaılyq kórsetkeni úshin alǵys aıtyp, elimizdi halyqaralyq «EKSPO-2017» mamandandyrylǵan kórmesiniń ashylýymen quttyqtady.
– Meniń saparymnyń Astanada «EKSPO-2017» kórmesiniń tańǵajaıyp ashylý rásimine tuspa-tus kelýi – zor mártebe. Sizdi osyndaı uly oqıǵamen quttyqtaımyn, – dedi VI Felıpe.
